اسرائیل نے القسام کے چیف محمد الضیف کو قتل کرنے کا دعویٰ کیا ہے۔
اسرائیلی فوج نے جمعرات کے روزدعویٰ کیا ہے کہ حماس کے عسکری ونگ القسام بریگیڈزکے کمانڈرمحمد الضیف گذشتہ ماہ غزہ پراسرائیلی فضائی حملے میں مارے گئے تھے۔ یہ پیش رفت ایک ایسے وقت میں سامنے آئی ہے جب منگل اور بدھ کی درمیانی شب اسرائیلی بمباری میں تہران میں حماس کے سیاسی شعبے کے سربراہ اسماعیل ھنیہ کو جاں بحق کردیا گیا تھا۔
اسرائیلی فوج نے ایک بیان میں اعلان کیا ہے کہ 13 جولائی 2024 کوفوج کے لڑاکا طیاروں نے خان یونس کے علاقے پربمباری کی۔ یہ بمباری انٹلی جنس معلومات کی بنیاد پرکی گئی، جن میں بتایا گیا تھا کہ وہاں پرالقسام کمانڈرمحمدالضیف موجود ہیں۔ انہوں نے مزید کہا کہ محمد الضیف “حماس میں دوسرے نمبرپرہیں اور7 اکتوبرکو ہونے والے حملے کوانجام دینے والوں میں سے دوسرے ماسٹرمائنڈ تھے”۔
الجيش الإسرائيلي ينشر فيديو لحظة استهداف قائد الجناح العسكري لحماس #محمد_الضيف #العربية pic.twitter.com/IYVxLJsuyq
— العربية عاجل (@AlArabiya_Brk) August 1, 2024
اسرائیل نے کیا بڑا دعویٰ
اسرائیلی وزیردفاع یوآوگیلنٹ نے اعلان کیا کہ “محمد الضیف کونشانہ بنانے کا آپریشن درست اوراعلیٰ معیارکا تھا”۔ انہوں نے نشاندہی کی کہ محمدالضیف کا قتل “حماس کوختم کرنے کی کوششوں میں ایک بڑا قدم ہے”۔
یوآوگیلنٹ نے ایکس پلیٹ فارم پرایک پوسٹ میں کہا کہ محمدالضیف کوختم کرنا جنگ کے مقاصد کوحاصل کرنے میں مدد کرتا ہے۔ انہوں نےکہا کہ حماس منتشرہوچکی ہے۔ حماس کو ہتھیار ڈالنے یا موت کے درمیان انتخاب کرنا ہوگا۔ انہوں نے زور دے کرکہا کہ اسرائیل حماس کے رہنماؤں کا تعاقب اورنشانہ بنانا جاری رکھے گا اورمشن مکمل ہونے تک آرام سے نہیں بیٹھے گا۔
Muhammad Deif, the ‘Osama Bin Laden of Gaza,’ was eliminated on 13.07.24. This is a significant milestone in the process of dismantling Hamas as a military and governing authority in Gaza, and in the achievement of the goals of this war.
The operation was conducted precisely and… pic.twitter.com/WCgL5fBkEC
— יואב גלנט – Yoav Gallant (@yoavgallant) August 1, 2024
حماس نے اسرائیل کے دعووں کی تردید کی
دوسری جانب، حماس کے رہنما محمود مرداوی نے محمد الضیف کے قتل کی تردید کرتے ہوئے کہا کہ وہ ٹھیک ہیں اوران کے قتل کے اسرائیل کے الزامات جھوٹ ہیں۔ حماس رہنما عزت الرشق نے کہا کہ القسام کے کسی رہنما کے قتل کی تصدیق یا تردید کرنے کی ذمہ دارحماس ہے، اسرائیل نہیں۔ انہوں نے مزید کہا کہ “محمدالضیف کے قتل کی خبرکی تصدیق اس وقت تک نہیں ہو سکتی، جب تک القسام بریگیڈ اس کا اعلان نہیں کرتا”۔
قابل ذکر ہے کہ اسرائیل نے اعلان کیا تھا کہ اس نے 13 جولائی کوکئے گئے چھاپے میں القسام بریگیڈ کے خان یونس بریگیڈ کے کمانڈررافع سلامہ کوہلاک کردیا تھا۔ غزہ پٹی میں وزارت صحت کا کہنا ہے کہ اس حملے میں 90 سے زائد افراد ہلاک ہوئے ہیں۔ تاہم حماس نے اس بات کی تردید کی ہے کہ ان میں محمد الضیف بھی شامل تھے۔
بھارت ایکسپریس–
