جھارکھنڈ کے وزیراعلیٰ ہیمنت سورین۔ (فائل فوٹو)
جھارکھنڈ مکتی مورچہ (جے ایم ایم) کے لیڈرہیمنت سورین نے جمعرات کی شام وزیراعلیٰ عہدے کا حلف لیا۔ وہ ریاست کے 13ویں وزیر اعلیٰ بن گئے ہیں۔ اس سے پہلے چمپئی سورین نے بدھ کے روز وزیراعلیٰ عہدے سے استعفیٰ دیا تھا۔ اس کے بعد جے ایم ایم لیڈر ہیمنت سورین نے گورنرسی پی رادھا کرشنن سے راج بھون میں ملاقات کی اور حکومت بنانے کا دعویٰ پیش کیا تھا۔ ہیمنت سورین نے تیسری بار ریاست کی کمان سنبھالی ہے۔
JMM executive president Hemant Soren takes oath as Chief Minister of Jharkhand
Read @ANI Story |https://t.co/yPSwRUfkv2#HemantSoren #Jharkhand #JMM #ChiefMinister pic.twitter.com/cE27C4RquM
— ANI Digital (@ani_digital) July 4, 2024
کلپنا سورین نے چمپئی سورین کے پیرچھوئے
ہیمنت سورین کی حلف برداری تقریب میں شامل ہونے کے لئے چمپئی سورین بھی پہنچے۔ ہیمنت سورین کے ساتھ ان کی فیملی بھی راج بھون پہنچی ہے۔ کلپنا سورین نے چمپئی سورین کے پیر چھوکرآشرواد لئے۔
VIDEO | JMM leader Champai Soren arrives at Raj Bhavan in Ranchi for the oath-taking ceremony of Hemant Soren as Jharkhand CM. pic.twitter.com/1jn83Od3Lo
— Press Trust of India (@PTI_News) July 4, 2024
راج بھون میں موجود رہے شیبو سورین
ہیمنت سورین اپنے والد شیبوسورین کے ساتھ راج بھون پہنچے تھے۔ اس سے پہلے اپنے سوشل میڈیا پوسٹ میں انہوں نے کہا، “ہرنا انصافی کو معلوم ہے کہ ایک دن اسے انصاف ہرا کررہے گا۔ جے جھارکھنڈ۔” انہوں نے اس پوسٹ میں وہ تصویرشیئرکی، جس میں وہ 31 جنوری کو اپنا استعفیٰ گورنرکوسونپ رہے ہیں۔
VIDEO | JMM executive president Hemant Soren (@HemantSorenJMM) arrives at Raj Bhavan along with his father Shibu Soren. Hemant will take oath as Jharkhand CM at 5 pm. pic.twitter.com/KCtBYgVoo1
— Press Trust of India (@PTI_News) July 4, 2024
پہلے دعویٰ کیا جا رہا تھا کہ ہیمنت سورین 7 جولائی کو وزیراعلیٰ عہدے کا حلف لیں گے۔ اس سے پہلے، برسراقتدارالائنس کے لیڈران اور اراکین اسمبلی نے رانچی واقع چمپئی سورین کی رہائش گاہ پرایک میٹنگ میں اتفاق رائے سے ہیمنت سورین کوجھارکھنڈ مکتی مورچہ کے قانون سازاسمبلی کا لیڈرمنتخب کیا گیا۔
الائنس کا ہیمنت سورین کے حق میں فیصلہ: چمپئی سورین
گورنرکواستعفیٰ دینے کے بعد چمپئی سورین نے کل کہا، ”میں نے جے ایم ایم کی قیادت والے الائنس کے فیصلے کے مطابق استعفیٰ دے دیا ہے۔ ریاست میں ہمارا الائنس مضبوط ہے۔“ انہوں نے مزید کہا،”ہرکسی کویہ پتہ ہے کہ ہیمنت سورین کے ساتھ کیا ہوا تھا۔ ان کے جانے کے بعد الائنس کے ساتھیوں نے ریاست کی ذمہ داری مجھے دی تھی۔ اب الائنس نے ہیمنت سورین کے حق میں فیصلہ کیا ہے۔“
بھارت ایکسپریس۔
