Teachers Day Mushaira 2026: اردو اکادمی، دہلی کے زیر اہتمام ’مشاعرۂ یوم اساتذہ‘ کا انعقاد، سابق صدر جمہوریہ ڈاکٹر سروپلی رادھا کرشنن کو پیش کیا گیا خراج عقیدت
یومِ اساتذہ کی مناسبت سے اظہارِخیال کرتے ہوئے پروفیسرخالد محمود نے کہا کہ یہ دن اساتذہ کی علمی و تعلیمی خدمات کے اعتراف اور ان کے احترام کے طور پر منایا جاتا ہے۔ چونکہ 5 ستمبر سابق صدرِجمہوریہ اور ممتاز ماہرِتعلیم ڈاکٹر سروپلی رادھا کرشنن کا یومِ پیدائش ہے، اسی مناسبت سے یہ دن یومِ اساتذہ کے طور پر منایا جاتا ہے۔ انھوں نے کہا کہ ہمیں چاہیے کہ اپنے اساتذہ کی قدرکریں، ان کی دی ہوئی رہنمائی اور راستے پر چلیں اور اپنی زندگی کی ہرکامیابی میں اپنے اساتذہ کو یاد رکھیں۔
