Ram Mandir Donation Case: رام مندر چندے میں مبینہ خرد برد کے معاملے پر کانگریس نے اٹھائے سوال، سپریم کورٹ کی نگرانی میں آزادانہ تحقیقات کا مطالبہ
جے رام رمیش نے اس معاملے میں ایف آئی آر درج کرنے میں تاخیر پر سوال اٹھائے۔ انہوں نے پوچھا کہ چمپت رائے، انل مشرا اور گوپال راؤ کے نام ملزمان کے بجائے گواہوں کی فہرست میں کیوں شامل کیے گئے؟ انہوں نے کہا کہ رام مندر میں نذرانوں کی چوری کے معاملے میں 74 ہزار صفحات پر مشتمل چارج شیٹ داخل کی گئی ہے، لیکن اصل سوال یہ ہے کہ آیا اس میں چوری کے تمام واقعات کی مکمل تفصیلات موجود ہیں یا صرف آٹھ ملازمین کو ملزم بنا کر بااثر افراد کو بچانے کی کوشش کی گئی ہے۔





