’New Model of Corruption‘: مرکزی وزیر نے اپنے ہی لیے لے لی 99 لاکھ روپے کی سبسڈی: کانگریس کے گھیرنے پر بولے— ہزاروں کسان فائدہ اٹھاتے ہیں، میں نے بھی لیا
مرکزی وزیر مملکت برائے زراعت بھاگیرتھ چودھری نے اپنی ہی وزارت سے اپنے کھیرے کے کھیت کے لیے تقریباً 99 لاکھ روپے کی سبسڈی لے لی، اس معاملے نے راجستھان کی سیاست میں ہلچل مچا دی ہے۔ سابق وزیر اعلیٰ اشوک گہلوت، کانگریس کے ریاستی صدر گووند سنگھ ڈوٹاسرا اور حزبِ اختلاف لیڈر ٹیکارام جولی نے اسے مفادات کے ٹکراؤ اور کسانوں کے حقوق پر ڈاکہ قرار دیتے ہوئے اس معاملے کی غیر جانبدارانہ تحقیقات کا مطالبہ کیا ہے۔
