RCB vs LSG:بنگلورو اور لکھنؤ میں ہوگی کانٹے کی ٹکر، دونوں ٹیمیں اس سیزن میں 1-1 میچ جیت چکی ہیں؟

ئی پی ایل 2024 کے میچ نمبر 15 میں رائل چیلنجرز بنگلور اور لکھنؤ سپر جائنٹس کی ٹیمیں آمنے سامنے ہوں گی۔ یہ میچ ہوم گراؤنڈ ایم چناسوامی اسٹیڈیم بنگلورو میں کھیلا جائے گا۔ لکھنؤ نے پچھلے میچ میں پنجاب کنگز کو شکست دے کر سیزن کی اپنی پہلی جیت درج کی تھی۔جب کہ بنگلورو نے کے کے آرکے خلاف پچھلا میچ ہارنے کے بعد سیزن کی اپنی دوسری شکست درج کی تھی۔ ایسے میں آج دونوں کے درمیان دلچسپ مقابلہ دیکھنے کو مل سکتا ہے۔ تو آئیے جانتے ہیں کہ دونوں کے درمیان اب تک کس کا پلڑا رہا بھاری  رہا ہے۔

بنگلورو بمقابلہ لکھنؤ آمنے سامنے

رائل چیلنجرز بنگلور اور لکھنؤ سپر جائنٹس اب تک آئی پی ایل میں چار بار آمنے سامنے ہو چکے ہیں۔ بنگلور کی ٹیم لکھنؤ پر حاوی دکھائی دے رہی ہے۔ چار میچوں میں آر سی بی نے 3 میں کامیابی حاصل کی ہے ۔جب کہ لکھنؤ نے صرف 1 میچ جیتا ہے۔ قابل ذکر بات یہ ہے کہ چناسوامی اسٹیڈیم میں ہونے والے واحد میچ میں لکھنؤ نے بنگلورو کو شکست دی۔ آج بھی دونوں کے درمیان ٹکراؤ صرف ایم چناسوامی میں ہوگا۔

دونوں ٹیموں نے اس سیزن میں 1-1 میچ جیتا تھا

قابل ذکر بات یہ ہے کہ آئی پی ایل 2023 میں آر سی بی اور لکھنؤ کے درمیان دو میچ کھیلے گئے۔جس میں دونوں ٹیموں نے 1-1 میچ میں  کامیابی حاصل کی۔ بنگلورو میں کھیلے گئے پہلے میچ میں لکھنؤ نے 1 وکٹ سے کامیابی حاصل کی تھی ۔ اس کے بعد لکھنؤ گراؤنڈ پر کھیلے گئے دوسرے میچ میں آر سی بی نے 18 رنز سے کامیابی حاصل کی۔

دونوں ٹیمیں اس سیزن میں 1-1 میچ جیت چکی ہیں

قابل ذکر ہے کہ آئی پی ایل 2024 میں لکھنؤ اور بنگلور کی ٹیموں نے 1-1 سے میچ جیتا ہے۔ حالانکہ لکھنؤ نے 2 میں سے 1 میچ جیتا ہے۔جب کہ   آر سی بی نے 3 میں سے 1 جیتا ہے۔ راجستھان کے خلاف کھیلے گئے پہلے میچ میں لکھنؤ کو 20 رنز کے فرق سے شکست ہوئی تھی۔ اس کے بعد پنجاب کے خلاف کھیلے گئے دوسرے میچ میں 21 رنز سے کامیابی حاصل کی۔ وہیں آر سی بی نے چنئی کے خلاف پہلا میچ ہارا اور دوسرا میچ پنجاب کنگز کے خلاف جیتا۔ اس کے بعد انہیں تیسرے میچ میں کے کے آر کے ہاتھوں شکست کا منہ دیکھنا پڑا۔

بھارت ایکسپریس