نئی دہلی : فیفا ورلڈ کپ 2026 کے راؤنڈ آف 16 کے ایک سنسنی خیز مقابلے میں دفاعی چیمپئن ارجنٹینا نے دو گول سے پیچھے رہنے کے بعد سے شاندار واپسی کرتے ہوئے مصر کو 2-3 سے شکست دے کر کوارٹر فائنل میں جگہ بنا لی۔ اٹلانٹا میں کھیلے گئے اس میچ میں لیونل میسی نے ایک گول میں معاونت کرنے کے بعد خود بھی ایک گول اسکور کیا، جبکہ اینزو فرنانڈیز نے اسٹاپج ٹائم کے تیسرے منٹ میں فاتحانہ گول داغا۔میچ کے آغاز میں مصر نے جارحانہ کھیل پیش کیا اور 15ویں منٹ میں یاسر ابراہیم نے ہیڈر کے ذریعے اپنی ٹیم کو برتری دلائی۔ دوسرے ہاف میں 62ویں منٹ پر مصطفیٰ زیکو نے دوسرا گول کر کے ارجنٹینا کی مشکلات میں مزید اضافہ کر دیا۔
دو گول سے پیچھے ہونے کے باوجود ارجنٹینا نے ہمت نہیں ہاری۔ 79ویں منٹ میں لیونل میسی نے بہترین موو ترتیب دیتے ہوئے کرسچیئن رومیرو کے گول میں اہم کردار ادا کیا، جس سے اسکور 2-1 ہوگیا۔ اس کے صرف چار منٹ بعد لاؤتارو مارٹینیز کی لمبی پاس پر میسی نے شاندار فنش کرتے ہوئے گیند کو نیٹ میں پہنچا دیا اور مقابلہ 2-2 سے برابر کر دیا۔میچ جب اضافی وقت میں داخل ہوا تو 90+3 منٹ پر اینزو فرنانڈیز نے زبردست گول اسکور کر کے ارجنٹینا کو 2-3 کی فیصلہ کن برتری دلائی، جو آخر تک برقرار رہی۔
یہ بھی پڑھیں: انگلینڈ کے خلاف شکست کے پانچ بڑے ذمہ دار، فلاپ بیٹنگ سے لیکر مہنگی بولنگ نے ٹیم انڈیا کو کرایا ناکامی کا سامنا
اس سے قبل ارجنٹینا نے 2018 کے ورلڈ کپ میں فرانس کے خلاف راؤنڈ آف 16 کے بعد پہلی مرتبہ ورلڈ کپ کے کسی میچ کے پہلے ہاف میں گول کھایا۔ گزشتہ 11 ورلڈ کپ مقابلوں میں وہ پہلے ہاف میں گول کھانے سے محفوظ رہے تھے۔مصر کے گول کیپر مصطفیٰ شوبیر نے بھی عمدہ کارکردگی کا مظاہرہ کرتے ہوئے میسی کی پنالٹی سمیت کئی خطرناک حملے ناکام بنائے، تاہم ارجنٹینا کے مسلسل دباؤ کے سامنے مصری دفاع آخرکار ٹوٹ گیا اور دفاعی چیمپئن نے یادگار کم بیک کرتے ہوئے کوارٹر فائنل میں اپنی جگہ یقینی بنا لی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
