Member Of Gogi Gang: ایک 23 سالہ گوگی گینگ کا رکن، جس پر وصولی اور ڈکیتی کے واقعات میں ملوث ہونے کا الزام ہے، شمالی دہلی کے بوانا علاقے میں ایک انکاؤنٹر کے بعد گرفتار کیا گیا۔ پولیس نے ہفتہ کو یہ جانکاری دی۔
حکام نے بتایا کہ جمعہ کو آؤٹر نارتھ ضلع میں صولی اور ڈکیتی کے واقعات میں ملوث ایک گینگسٹر کی موجودگی کی اطلاع پر کارروائی کرتے ہوئے، پولیس کی ایک ٹیم بوانا پہنچی اور ملزم کو پکڑنے کے لیے جال بچھا دیا۔
ڈپٹی کمشنر آف پولیس (آؤٹر نارتھ) روی کمار سنگھ نے بتایا کہ ٹیم نے موٹر سائیکل پر سوار ایک شخص کو رکنے کو کہا، لیکن اس نے فرار ہونے کی کوشش کی اور پولیس نے اس پرگولی چلا دی۔ انہوں نے کہا کہ پولیس نے جوابی کارروائی کرتے ہوئے مشتبہ شخص کو اس کی دائیں ٹانگ پر گولی مار دی اور اسے گرفتار کر لیا۔
اہلکار کے مطابق، مبینہ گینگسٹر کی شناخت ہریانہ کے سونی پت کے رہنے والے پون عرف پونا کے طور پر کی گئی ہے، زخمی پون عرف پونا کو اسپتال میں داخل کرایا گیا ہے۔
پولیس نے بتایا کہ گینگسٹر کے قبضے سے علی پور کے علاقے سے لوٹی گئی ایک پستول، ایک کارتوس اور ایک موٹر سائیکل برآمد ہوئی ہے۔ حکام نے بتایا کہ تصادم کی جگہ سے استعمال شدہ دو خالی کارتوس بھی برآمد ہوئے ہیں۔
انہوں نے کہا کہ بوانا پولیس اسٹیشن میں کیس درج کیا گیا ہے اور مزید تفتیش جاری ہے۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
