ہماچل پردیش کے چُراہ میں دردناک کار حادثہ۔
چمبا: چمبا ضلع کے چُراہ سب ڈویژن میں ایک دل دہلا دینے والے کار حادثے سے پورے علاقے کو سوگ کی لیر دوڑ گئی ہے۔ بیراغڑھ–دیوی کوٹھی ٹیپا سڑک پر ٹیپا نالہ کے قریب پیش آئے اس حادثے میں تین افراد موقع پر ہی ہلاک ہوگئے، جبکہ دو دیگر شدید زخمی ہو گئے۔ حادثہ بدھ کی شام تقریباً 5:45 بجے پیش آیا، جب کار بے قابو ہو کر گہری کھائی میں جا گری۔ مقامی لوگوں نے فوراً راحت رسانی کا کام شروع کیا اور زخمیوں کو نکال کر اسپتال پہنچایا۔
نہایت تنگ اور خطرناک ہے ٹیپا روٹ
ٹیپا روٹ ایک پہاڑی علاقہ ہے جو نہایت تنگ اور خطرناک ہے۔ برسات کے موسم میں سڑکیں پھسلن بھری ہوجاتی ہیں، اس لیے ڈرائیوروں کو خاص احتیاط برتنی پڑتی ہے۔ عینی شاہدین کے مطابق، کار تیز رفتاری سے آ رہی تھی کہ اچانک ڈرائیور کا قابو چھوٹ گیا اور گاڑی سڑک سے پھسل کر نیچے جا گری۔ کار کے پرخچے اُڑ گئے اور ملبے کے نیچے دبنے سے تین افراد کی موقع پر ہی موت ہوگئی۔
چُراہ تحصیل کے رہائشی تھے مہلوکین
حادثے میں ہلاک ہونے والے تینوں افراد چُراہ تحصیل کے رہائشی تھے۔ ان کی شناخت راجندر ولد جگت رام (گاؤں باہلا)، سچن ولد کِشن چند (گاؤں چندرو) اور پمّی ولد نرین سنگھ (گاؤں باہلا) کے طور پر ہوئی ہے۔ راجندر گاڑی چلا رہے تھا اور اپنے خاندان کے واحد کمانے والے فرد تھا۔ سچن ایک نوجوان مزدور تھے جو مقامی سطح پر کام کرتے تھے۔
لاشوں کو پوسٹ مارٹم کے لیے بھیجا گیا
لاشوں کو پوسٹ مارٹم کے لیے بھیج دیا گیا ہے۔ ملوکین کے اہلِ خانہ میں کہرام مچ گیا ہے۔ گاؤں باہلا اور چندرو میں سوگ کا ماحول ہے۔ مقامی انتظامیہ نے متاثرہ خاندانوں کو فوری مالی امداد دینے کا اعلان کیا ہے۔ حادثے میں دو افراد زخمی ہوئے — اَمَر سنگھ ولد کانشی رام (گاؤں باہلا)، جنہیں سر اور ٹانگوں میں شدید چوٹیں آئی ہیں، اور دھرَم سنگھ ولد مان سنگھ (گاؤں جِنی)، جن کی چھاتی اور کمر میں فریکچر ہوا ہے۔
دونوں زخمیوں کی حالت فی الحال مستحکم
دونوں زخمیوں کو ابتدائی علاج کے لیے سول اسپتال تیسا میں داخل کرایا گیا ہے۔ ڈاکٹروں کے مطابق، ان کی حالت فی الحال مستحکم ہے، مگر مزید جانچ کے لیے انہیں چمبا میڈیکل کالج بھیجا جا سکتا ہے۔ زخمیوں نے بتایا کہ وہ سب رشتہ دار ہیں اور ایک خاندانی تقریب سے واپس آ رہے تھے۔
چُراہ پولیس تھانہ انچارج نے موقع پر پہنچ کر حادثے کی جگہ کا معائنہ کیا۔ پولیس نے معاملہ درج کر کے تفتیش شروع کر دی ہے۔ ابتدائی تحقیقات میں تیز رفتاری، خراب سڑک کی حالت اور ممکنہ طور پر ڈرائیور کی لاپرواہی کو حادثے کی بنیادی وجوہات قرار دیا جا رہا ہے۔ فارینسک ٹیم نے شواہد اکٹھے کر لیے ہیں اور گواہوں کے بیانات درج کیے جا رہے ہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
