سابق ریاستی وزیر نواب ملک نے این سی پی کا ٹکٹ ملنے کے بعد بڑا دعویٰ کیا ہے۔ (فائل فوٹو)
پریم کورٹ نے منی لانڈرنگ کیس میں این سی پی لیڈر اور مہاراشٹر کے سابق وزیر نواب ملک کو ضمانت دے دی۔ عدالت نے ان کی بیماری کو بنیاد سمجھتے ہوئے ضمانت دے دی۔ ملک نے ہائی کورٹ سے یہ کہتے ہوئے راحت کی درخواست کی تھی کہ وہ گردے کی بیماری کے علاوہ کئی دیگر بیماریوں میں مبتلا ہیں۔ سپریم کورٹ نے کہا کہ یہ راحت ان کی باقاعدہ ضمانت پر بامبے ہائی کورٹ کے حکم تک نافذ رہے گی۔
ملک نے بامبے ہائی کورٹ کے 13 جولائی کے حکم کے خلاف سپریم کورٹ سے رجوع کیا تھا جس میں طبی بنیادوں پر انہیں ضمانت دینے سے انکار کیا گیا تھا۔ عدالت نے کہا کہ انہیں خصوصی طبی امداد مل رہی ہے اور ان کے صحت یا زندگی کے حق کی کسی بھی طرح سے خلاف ورزی نہیں کی جا رہی ہے۔
