دہلی-این سی آر میں ہوگی موسلادھار بارش، کئی علاقوں میں یلو الرٹ جاری، موسم ہوا خوشگوار
Yellow alert is issued in many areas: محکمہ موسمیات نے دہلی-این سی آر میں آج کے لیے یلو الرٹ جاری کیا ہے۔ آج گرج چمک کے ساتھ تیز بارش کا امکان ہے۔ دوسری جانب بقیہ دنوں کی بات کریں تو ہلکی سے درمیانی بارش کا سلسلہ 28 جولائی سے یکم اگست تک جاری رہے گا۔ اس دوران زیادہ سے زیادہ درجہ حرارت 37 ڈگری تک جا سکتا ہے جب کہ کم سے کم درجہ حرارت 27 ڈگری تک جا سکتا ہے۔ قابل ذکر بات یہ ہے کہ بدھ کی دیر شام یمنا کی پانی کی سطح ایک بار پھر خطرے کے نشان سے کچھ اوپر بنی ہوئی ہیں۔ اس کے ساتھ ہی ہنڈن ندی میں بھی تیزی بنی ہوئی ہے ۔
بارش اور بادلوں کی وجہ سے درجہ حرارت میں کمی
قابل ذکر بات یہ ہے کہ بارش اور بادلوں کی وجہ سے درجہ حرارت میں کمی آئی۔بدھ کو صفدرجنگ میں زیادہ سے زیادہ درجہ حرارت 31.2 ڈگری سیلسیس رہا، جب کہ کم سے کم درجہ حرارت 23.8 ڈگری ریکارڈ کیا گیا، جو معمول سے تین درجے کم ہے۔ ہوا میں نمی کی سطح 100 سے 80 فیصد تک تھی۔ بارش 37.7 ملی میٹر ریکارڈ کی گئی۔
جنوبی ہندوستان میں ہلکی اور تیز بارش کا امکان
جنوبی ہندوستان میں ہلکی سے تیز بارش کا امکان ہے۔ ساحلی آندھرا پردیش، یانم، تلنگانہ اور ساحلی کرناٹک میں بدھ سے جمعہ تک بارش کا امکان ہے۔ بدھ کواندرونی کرناٹک میں بہت تیز بارش ہوسکتی ہے، جب کہ بدھ اور جمعرات کو تلنگانہ، ساحلی آندھرا پردیش اور یانم میں بارش کا امکان ہے۔
آئی ایم ڈی نے کہا کہ مشرقی ہندوستان میں 30 جولائی تک ہلکی سے بھاری بارش کا امکان ہے، جب کہ اڈیشہ میں الگ تھلگ مقامات پر تیزبارش کا امکان ہے۔ مغربی بنگال اور سکم میں 26 سے 28 جولائی تک اور جھارکھنڈ، بہارمیں ہفتہ کو بارش کا امکان ہے۔ شمال مشرقی ہندوستان میں 30 جولائی تک درمیانی سے تیز بارش متوقع ہے۔ جمعہ کو اروناچل پردیش، آسام اور میگھالیہ میں الگ تھلگ مقامات پر بہت تیز سے بہت شدید بارش کا امکان ہے۔
بھارت ایکسپریس
