Bihar Politics: انفورسمنٹ ڈائریکٹوریٹ کی 8 گھنٹے کی تفتیش  کے بعد باہر آئے آر جے ڈی لیڈر تیجسوی یادو، دکھایا الگ انداز

بہار کے سابق نائب وزیر اعلی اور آر جے ڈی لیڈر تیجسوی یادو زمین کے بدلے نوکری گھوٹالہ میں تقریباً 8 گھنٹے کی پوچھ گچھ کے بعد ای ڈی کے دفتر سے نکل گئے۔ انفورسمنٹ ڈائریکٹوریٹ نے بہار کے سابق نائب وزیر اعلی تیجسوی یادو سے 8 گھنٹے تک پوچھ گچھ کی ہے۔ ایجنسی نے ان سے نوکری کے معاملے میں زمین کے حوالے سے کئی سوالات پوچھے ہیں۔

ای ڈی دفتر سے باہر آنے کے بعد بہار کے سابق نائب وزیر اعلی اور آر جے ڈی لیڈر تیجسوی یادو کا ان کے حامیوں اور پارٹی کارکنوں نے بڑے پرجوش انداز میں استقبال کیا اور انہوں نے تیجسوی یادو زندہ باد کے نعرے بھی لگائے۔ وہیں تیجسوی بھی پرجوش نظر آئے اور اپنے حامیوں اور پارٹی کارکنان کی حوصلہ افجائی کی۔

لالو پرساد یادو اور ان کے خاندان کے خلاف جاری ای ڈی کی کارروائی کو لے کر پٹنہ میں آر جے ڈی کارکنوں نے دن بھر احتجاج جاری رکھا۔ اس دوران کارکنوں نے مودی حکومت کے خلاف نعرے بازی بھی کی۔

 یہ بھی پڑھیں: بہار کی عوام سے اویسی کی بڑی اپیل،کہا اب اپنا مقدر طے کرنا ہی ہوگا

پی ایم مودی خوفزدہ ہیں- میسا بھارتی

لالو یادو سے ای ڈی کی پوچھ گچھ کے بارے میں، میسا بھارتی نے کہا کہ “وہ (لالو پرساد) خود نہیں کھا سکتے، انہیں کھلانا پڑتا ہے۔ ہم نہیں جانتے کہ انہوں نے کھایا یا نہیں۔ کوئی کچھ کہنے کو تیار نہیں۔ انتخابات آچکے ہیں تو پی ایم مودی خوفزدہ ہیں۔ یہ حکومت میرے والد کو گرفتار کر سکتی ہے لیکن ایک بیمار کو گرفتار کر کے کیا ملے گا؟

بھارت ایکسپریس۔