Saputara Ghat Accident: مہا کمبھ سے  واپس آرہی بس گجرات کے ساپوتارا گھاٹ میں حادثہ کا شکار، 7 افراد کی موت، 15 زخمی

گجرات کے ضلع ڈانگ میں واقع ساپوتارا میں ایک دردناک حادثہ پیش آیا ہے۔ یہاں کمبھ اسنان کرکے واپس آنے والے عقیدت مندوں سے بھری بس حادثے کا شکار ہوگئی اور 200 فٹ گہری کھائی میں جاگری۔ حادثے میں 7 افراد کی موت ہوگی، جب کہ 15 افراد شدید زخمی ہوگئے۔ ذرائع کے مطابق عقیدت مندوں سے بھری یہ بس کمبھ سے آ رہی تھی اور گجرات کے مذہبی مقامات کےدرشن کے لیے جا رہی تھی۔ قابل ذکر بات  یہ ہے کہ یہ حادثہ ساپوتارا میں مالیگاؤں گھاٹ کے قریب پیش آیا۔

اتوار (2 فروری) کی صبح تقریباً 5.30 بجے ناسک-سورت ہائی وے پر ساپوتارا گھاٹ کے قریب ایک پرائیویٹ لگژری بس خوفناک حادثے کا شکار ہوگئی اور پوری طرح سے حادثہ کا شکار ہوگئی۔ 7 افراد موقع پر ہی دم توڑ گئے، جب کہ 15 افراد کو تشویشناک حالت میں قریبی اسپتال میں داخل کرایا گیا۔ حادثے کا زخمی ہونے والے تمام مسافروں کا تعلق مدھیہ پردیش سے ہے۔

حادثہ بس کا کنٹرول کھونے کے باعث پیش آیا

ابتدائی معلومات میں بتایا گیا ہے کہ حادثہ ڈرائیور کے بس پر سے کنٹرول کھونے کے باعث پیش آیا۔ بس میں بیٹھے مسافر دیوتا کے درشن کے لیے گجرات جا رہے تھے۔ بتایا جا رہا ہے کہ حادثے میں ہلاک اور زخمی ہونے والے تمام افراد کا تعلق مدھیہ پردیش سے ہے۔

بھارت ایکسپریس