Mallikarjun kharge wrote a letter to PM: راہل گاندھی کو دھمکیاں دی جارہی ہیں، آپ کارروائی کریں… کھرگے نے پی ایم مودی کو لکھا خط

مرکزی وزیر مملکت رونیت سنگھ بٹو کی طرف سے  قائد حزب اختلاف راہل گاندھی کو ملک کا سب سے بڑا دشمن اور دہشت گرد قرار دینے کے بیان پر کافی ہنگامہ برپا ہے۔اس کے علاوہ حالیہ امریکہ دورے کے بعد انہیں کافی دھمکیاں بھی مل رہی ہیں ۔ یہی وجہ ہے کہ  کانگریس صدر ملکارجن کھرگے نے پی ایم مودی کو خط لکھ کر ایسے بیانات دینے والے لیڈروں کے خلاف کارروائی کرنے کا مطالبہ کیا ہے۔

 کانگریس صدر نے لکھا کہ ‘بی جے پی اور اس کی اتحادی جماعتوں کے لیڈروں کی طرف سے اپوزیشن لیڈر راہل گاندھی کے خلاف انتہائی قابل اعتراض اور پرتشدد زبان استعمال کرنے کا سلسلہ جاری ہے۔ میں آپ سے گزارش کرتا ہوں کہ نظم و ضبط اور شائستگی کے ذریعے ایسے لیڈروں پر لگام لگائیں۔ ایسے بیانات کے خلاف سخت قانونی کارروائی کی جائے تاکہ ہندوستانی سیاست کو زوال کی طرف جانے سے روکا جاسکے۔

بھارت ایکسپریس۔