نئی دہلی: نیٹ پیپر لیک معاملے کے بعد مرکزی حکومت نے بڑا فیصلہ لیتے ہوئے اعلان کیا ہے کہ اگلے سال سے NEET امتحان او ایم آر شیٹ کے بجائے مکمل طور پر کمپیوٹر بیسڈ ہوگا۔ مرکزی وزیر تعلیم دھرمیندر پردھان نے جمعہ کو پریس کانفرنس میں اس اہم تبدیلی کا اعلان کرتے ہوئے کہا کہ طلبہ کے مستقبل کا تحفظ حکومت کی اولین ترجیح ہے اور امتحانی نظام میں کسی بھی قسم کی بے ضابطگی برداشت نہیں کی جائے گی۔دھرمیندر پردھان نے بتایا کہ NEET-UG 2026 کا امتحان، جو پہلے 3 مئی کو منعقد ہوا تھا، پیپر لیک کے انکشاف کے بعد منسوخ کر دیا گیا۔ اب یہ امتحان دوبارہ 21 جون کو لیا جائے گا۔ انہوں نے کہا کہ حکومت نے طلبہ کے مفاد میں فوری کارروائی کرتے ہوئے اس معاملے کی جانچ سی بی آئی کے حوالے کر دی ہے اور قصورواروں کے خلاف سخت کارروائی کی جائے گی۔
#WATCH दिल्ली: केंद्रीय शिक्षा मंत्री धर्मेंद्र प्रधान ने कहा, “अभी NTA ने NEET-UG की नई परीक्षा की तिथि की घोषणा की है। 21 जून को पुनर्परीक्षा की तारीख की घोषणा की है…छात्रों का भविष्य, उनके परिश्रम के प्रति संवेदनशीलता हमारी प्राथमिकता है। 3 मई को परीक्षा हुई थी और 7 मई को… pic.twitter.com/tC9cfRtBxc
— ANI_HindiNews (@AHindinews) May 15, 2026
مرکزی وزیر تعلیم دھرمیندر پردھان نے پریس کانفرنس میں کئی اہم اعلانات کیے۔ انہوں نے بتایا کہ دوبارہ ہونے والے امتحان کے لیے طلبہ کو اپنی سہولت کے مطابق امتحانی شہر منتخب کرنے کے لیے ایک ہفتے کا وقت دیا جائے گا، جبکہ ایڈمٹ کارڈ 14 جون تک جاری کر دیے جائیں گے۔ اس کے علاوہ امتحان میں طلبہ کو 15 منٹ کا اضافی وقت بھی دیا جائے گا۔انہوں نے کہا کہ 7 مئی کو این ٹی اے کو اطلاع ملی تھی کہ سوشل میڈیا پر گردش کرنے والے کچھ سوالات اصل امتحانی پرچے سے ملتے جلتے ہیں۔ اس کے بعد حکومت اور این ٹی اے نے فوری تحقیقات شروع کیں اور ریاستی ایجنسیوں سے رابطہ کیا۔ جب یہ واضح ہوگیا کہ سوالیہ پرچہ لیک ہوا ہے تو حکومت نے امتحان منسوخ کرنے کا فیصلہ لیا تاکہ ایماندار طلبہ کے مستقبل پر کوئی آنچ نہ آئے۔
دھرمیندر پردھان کی پریس کانفرنس کی اہم جھلکیاں
📢 NEET (UG) 2026 — Examination Date Announced
The National Testing Agency, with the approval of the Government of India, has scheduled the re-examination of NEET (UG) 2026 on Sunday, 21 June 2026.
Candidates and parents are requested to rely only on the official channels of NTA.…— National Testing Agency (@NTA_Exams) May 15, 2026
– NEET کا دوبارہ امتحان 21 جون کو ہوگا۔ ایڈمٹ کارڈ 14 جون تک جاری کیے جائیں گے۔- طلباء کے پاس NEET-UG کے دوبارہ امتحان کے لیے اپنی پسند کا شہر منتخب کرنے کے لیے ایک ہفتے کا وقت ہوگا۔- طلباء کو امتحان کے دوران 15 منٹ کا اضافی وقت دیا جائے گا۔- اگلے سال سے، NEET کا امتحان کمپیوٹر پر مبنی ہوگا، OMR پر مبنی نہیں۔ انہوں نے واضح کیا کہ کمپیوٹر بیسڈ امتحان سے شفافیت بڑھے گی اور پیپر لیک جیسے واقعات پر قابو پانے میں مدد ملے گی۔ حکومت کو امید ہے کہ اس نئے نظام سے طلبہ کو زیادہ محفوظ اور منصفانہ امتحانی ماحول ملے گا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
