Delhi Election 2025: دہلی میں ووٹنگ سے قبل سی ایم آتشی کے دفتر میں کام کرنے والے شخص سے پانچ لاکھ نقدی برآمد،عآپ نے بتایا پلانٹڈ

دہلی میں وزیر اعلیٰ آتشی کے دفتر سے متعلق ایک حیران کر دینے والی خبر سامنے آئی ہے۔ گورو، جو چیف منسٹر کے دفتر میں ملٹی ٹاسکنگ اسٹاف (ایم ٹی ایس) کے طور پر کام کرتا تھا، پولیس نے 5 لاکھ روپے نقد ی کے ساتھ پکڑا ہے۔ یہ معاملہ اس وقت سامنے آیا جب ایک پرائیویٹ کار کی چیکنگ کے دوران اتنی بڑی رقم برآمد ہوئی۔ گورو نے بتایا کہ وہ سی ایم آتشی کے دفتر میں کام کرتا ہے۔ کار میں ایک سرکاری ڈرائیور تھا، جس کے کردار کی بھی جانچ کی جا رہی ہے، لیکن عام آدمی پارٹی نے اس معاملے کو ‘پلانٹڈ’ قرار دیا ہے۔

دہلی پولیس کے مطابق پکڑے جانے کے بعد دونوں افراد کو تھانے لایا گیا ہے۔ اس کے دعوے کی تصدیق کی جا رہی ہے۔ ایف ایس ٹی ٹیم کو بھی بلایا گیا ہے۔ ضابطہ اخلاق کے دوران کوئی شخص صرف 50 ہزار روپے نقد لے کر جا سکتا ہے اور اگر کسی کے پاس اس سے زیادہ کیش ہے تو انکم ٹیکس سمیت تمام ایجنسیوں کو ثبوت دکھانا ہوگا۔گورو کے موبائل سے ملی معلومات میں پنکج اور گورو کے درمیان بات چیت کوڈ میں ہے۔ گورو کا موبائل فون پولیس نے ضبط کر لیا ہے۔ گفتگو الیکشن اور مختلف وارڈز کے بارے میں ہے۔ بتایا جا رہا ہے کہ کوڈ ورڈز میں یہ بحث چل رہی ہے کہ پیسے کس کو، کہاں اور کتنے دئیے جائیں گے۔

عام آدمی پارٹی نے کہا ہے کہ 5 لاکھ روپے کی نقدی ضبط کرنے کا الزام لگایا گیا ہے۔ پارٹی نے کہا ہے کہ ویڈیو میں نظر آنے والے شخص نے صاف کہہ دیا ہے کہ یہ اس کا اپنا پیسہ ہے۔عام آدمی پارتی نے کہا کہ اصل میں پیسہ کہاں تقسیم کیا جا رہا ہے، دہلی پولیس کچھ بھی نہیں دیکھ پا رہی ہے۔

بھارت ایکسپریس۔