![](https://urdu.bharatexpress.com/wp-content/uploads/2023/03/Akanksha-Dubey-1-1.webp)
اداکارہ آکانکشا دوبے کی والدہ نے بھوجپوری گلوکار سمر سنگھ اور ان کے بھائی سنجے سنگھ کے خلاف درج کرائی ایف آئی آر
Akanksha Dubey: اداکارہ آکانکشا دوبے کی والدہ مدھو دوبے نے بھوجپوری گلوکار سمر سنگھ اور ان کے بھائی سنجے سنگھ کے خلاف سارناتھ پولیس اسٹیشن میں مقدمہ (ایف آئی آر) درج کرایا ہے۔ پولیس کو دی گئی تحریر میں آکانکشا کی ماں (مدھو دوبے) نے کئی سنگین الزامات لگائے ہیں۔
اداکارہ آکانکشا دوبے کی والدہ مدھو دوبے نے الزام لگایا ہے کہ میری آکانکشا دوبے ایک بھوجپوری فلم کی شوٹنگ کے لیے وارانسی آئی تھیں۔ جو سارناتھ میں سومیندر ہوٹل کے کمرہ نمبر 105 میں ٹھہری تھی۔ سمر سنگھ اور اس کا بھائی سنجے سنگھ تقریباً تین سال تک میری لڑکی پر تشدد اور ہراساں کرتے رہے۔ ان لوگوں کی ہراسانی کی وجہ سے میری بیٹی جان کی بازی ہار گئی۔
بھوجپوری سنیما کی مشہور اداکارہ آکانکشا دوبے اتوار کو وارانسی کے سارناتھ علاقے میں واقع ایک ہوٹل کے کمرے میں مردہ پائی گئیں۔ پولیس ذرائع نے یہاں بتایا تھا کہ سارناتھ تھانہ علاقہ میں ایک ہوٹل کے کمرے میں آکانکشا (25) کی لاش چھت کے پنکھے سے لٹکی ہوئی ملی۔
سارناتھ کے اسسٹنٹ کمشنر آف پولیس (اے سی پی) گیان پرکاش رائے نے بتایا تھا کہ اداکارہ آکانکشا دوبے کی لاش سارناتھ کے ایک ہوٹل کے کمرے سے ملی ہے۔ اداکارہ کی لاش کو سرکاری اسپتال کے مردہ خانے میں رکھا گیاتھا۔ انہوں نے بتایا تھا کہ کمرے سے کوئی خودکشی نوٹ نہیں ملا۔ ابتدائی طور پر یہ خودکشی کا معاملہ لگتا ہے۔ پولیس معاملے کی تحقیقات کر رہی ہے۔
-بھارت ایکسپریس