شوبمن گل، شریاس آئر اور سوریہ کمار یادو کی طوفانی بلے بازی کے بعد بھارت نے شاندار بولنگ کا مظاہرہ کرتے ہوئے آسٹریلیا کو دوسرے ون ڈے میں 99 رنز سے شکست دی۔ اس جیت کے ساتھ ہی ٹیم انڈیا نے تین میچوں کی سیریز میں 2-0 کی ناقابل تسخیر برتری حاصل کر لی ہے۔ ہندوستانی ٹیم نے پہلے بیٹنگ کرتے ہوئے مقررہ 50 اوورز میں 5 وکٹوں کے نقصان پر 399 رنز کا بڑا اسکور بنایا۔ تاہم ہدف کا تعاقب کرتے ہوئے آسٹریلوی ٹیم کی اننگز بارش کی وجہ سے متاثر ہوئی جس کی وجہ سے ڈی ایل ایس طریقہ استعمال کرتے ہوئے ہدف پر نظر ثانی کی گئی۔
بارش رکنے کے بعد آسٹریلیا کو میچ جیتنے کے لیے 33 اوورز میں 317 رنز کا ہدف ملا تھا تاہم پوری ٹیم 217 رنز کے اسکور تک محدود رہی۔ بولنگ میں روی چندرن اشون اور رویندرا جڈیجہ نے ہندوستان کی جانب سے سب سے زیادہ تین تین وکٹیں حاصل کیں۔ اس کے علاوہ پرسدھ کرشنا نے بھی دو اور محمد شامی نے ایک وکٹ حاصل کی۔
شبمن اور ائیر نے سنچریاں بنائیں
آسٹریلیا کے خلاف دوسرے ون ڈے میچ میں ٹیم انڈیا نے حریف کو ہر میدان میں شکست دی۔ ایشیا کپ میں واپسی کرنے والے شریاس آئر نے شاندار سنچری کھیلی۔ ورلڈ کپ سے پہلے ائیر کی یہ اننگز ہندوستانی ٹیم مینجمنٹ کے لیے یقیناً راحت کی خبر ہے۔ آئر نے 90 گیندوں میں 105 رنز بنائے جس میں 11 چوکے اور 3 چھکے بھی شامل تھے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
