دبئی کے ایک اسپتال میں ہفتے کے روز ایک جذباتی منظر دیکھنے کو ملا، جب دبئی کے ولی عہد شیخ حمدان بن محمد بن راشد المکتوم فلائی دبئی کے بھارتی پائلٹ کیپٹن اسمت مچھار سے ملاقات کے لیے پہنچے۔ شدید زخمی ہونے کے باوجود مسکراتے اسمت کو دیکھ کر ولی عہد نے انہیں گلے لگایا، ان کا ماتھا چوما اور ان کی بہادری کی بھرپور ستائش کی۔ ملاقات کے دوران شیخ حمدان نے کہا، ”ہمیں اس بات پر فخر ہے کہ وہ ہماری ٹیم کا حصہ ہیں، ہمارے ملک کی کہانی کا حصہ ہیں اور اس قوم کی ان اقدار کا حصہ ہیں جن کے لیے متحدہ عرب امارات کھڑا ہے-یعنی ہمدردی، امن اور زندگی سے بھرپور جذبہ۔“
ماتھے پر پٹی، ہاتھ پر پلاسٹر، مگر چہرے پر مسکراہٹ
اسپتال سے پہلی بار کیپٹن اسمت مچھار کی تصاویر بھی سامنے آئی ہیں۔ تصاویر میں ان کے ماتھے پر پٹی بندھی ہوئی ہے، جبکہ ہاتھ پر پلاسٹر چڑھا ہوا ہے اور ایک ہاتھ مکمل طور پر سفید پٹیوں سے ڈھکا نظر آتا ہے۔ جسم پر شدید چوٹوں کے نشانات کے باوجود اسمت کے چہرے پر مسکراہٹ دکھائی دے رہی ہے۔ وہ اسپتال میں ان سے ملاقات کے لیے آنے والے افراد سے بھی ہنس کر بات کرتے نظر آئے۔ ان کی یہی تصاویر اب سوشل میڈیا پر بھی توجہ کا مرکز بنی ہوئی ہیں۔
During a visit to Captain Smit Machchhar… the flydubai pilot who embodied the highest degrees of courage, responsibility, and care for human life.
From us, and from the leadership of the nation, he has our full appreciation and praise.
We are proud that he is part of our team… part of the story of our nation… and part of what the UAE stands for… a nation of compassion… a nation of peace… and a nation of life.
— Hamdan bin Mohammed (@HamdanMohammed) October 3, 2026
دوران پرواز کو پائلٹ نے کیا تھا اسمت پر حملہ
یہ واقعہ 30 ستمبر کو پیش آیا، جب دبئی سے تل ابیب جانے والی فلائی دبئی کی پرواز FZ1073 میں اچانک ایک سنگین صورتحال پیدا ہوگئی۔ پرواز کے دوران عمانی کو پائلٹ نے مبینہ طور پر کیپٹن اسمت مچھار پر کلہاڑی سے حملہ کردیا تھا۔ متحدہ عرب امارات کی انتظامیہ نے اس واقعے کو دہشت گردانہ حملہ قرار دیا ہے۔ حملے میں شدید زخمی ہونے کے باوجود اسمت نے حوصلہ نہیں ہارا۔ انہوں نے کاک پٹ کا دروازہ کھول دیا، جس کے بعد عملے اور مسافروں نے مل کر حملہ آور کو پائلٹ کو قابو کرلیا۔ صورتحال پر قابو پانے کے بعد ریزرو عملے نے طیارے کو سعودی عرب کے تبوک ایئرپورٹ پر بحفاظت اتارا۔
پی ایم مودی سے گفتگو کے دوران جذباتی ہوگئے تھے اسمت
واقعے کے بعد وزیر اعظم نریندر مودی نے جمعہ کو کیپٹن اسمت مچھار سے ویڈیو کال کے ذریعے بات کی تھی۔ وزیر اعظم نے ان کے حوصلے اور فوری فیصلہ لینے کی صلاحیت کی تعریف کرتے ہوئے کہا تھا کہ انہوں نے ایک لمحے کے معمولی حصے میں فیصلہ لے کر 174 افراد کی جان بچائی، جس پر پورے ملک کو ان پر فخر ہے۔ وزیر اعظم سے گفتگو کے دوران کیپٹن اسمت جذباتی بھی ہوگئے تھے۔ انہوں نے بتایا کہ جس وقت ان پر حملہ ہوا، اس وقت وہ دل ہی دل میں ہنومان چالیسا کا پاٹھ کر رہے تھے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
