بھارت نے 2024 مں 19.5 لاکھ ای وی کی فروخت کا کاد ریکارڈ
نئی دہلی: بھاری صنعتوں کی وزارت کے اعداد و شمار کے مطابق، بھارت نے 2024 میں 19.50 لاکھ الیکٹرک گاڑیوں (EV) کی فروخت ریکارڈ کی، جو گاڑیوں کی کل فروخت کا 7.44 فیصد ہے۔ حکومت کو توقع ہے کہ ای وی کو اپنانے میں یہ اضافہ آنے والے سالوں میں جاری رہے گا۔
لوک سبھا میں ایک سوال کے تحریری جواب میں، بھاری صنعتوں کے وزیر بھوپتیراجو سری نواسا ورما نے بتایا کہ کیلنڈر سال 2024 میں روڈ ٹرانسپورٹ اور ہائی ویز کی وزارت کے ای- واہن پورٹل پر رجسٹرڈ 2,62,07,453 گاڑیوں میں سے 19,50,490 الیکٹرک گاڑیاں تھیں۔
ای-واہن پورٹل کے مطابق، 2014-15 کے بعد سے، ای وی رجسٹریشن میں نمایاں اضافہ ہوا ہے، جس کا فیصد حصہ مالی سال 2014-15 میں 0.01 فیصد سے بڑھ کر مالی سال 2024-25 میں 7.31 فیصد ہو گیا ہے۔ وزیر نے کہا کہ ’’ای وی کی رسائی میں بڑھتے ہوئے رجحان کے جاری رہنے کی امید ہے۔‘‘ وزیر نے مزید کہا کہ مرکز ملک میں چارجنگ انفراسٹرکچر کے قیام میں مسلسل تعاون کر رہا ہے۔
انہوں نے کہا،’’FAME-II اسکیم کے تحت، الیکٹرک وہیکل پبلک چارجنگ اسٹیشن (EVPCS) کے قیام کے لیے 839 کروڑ روپے مختص کیے گئے تھے۔ اسی طرح PM E-DRIVE اسکیم کے تحت، الیکٹرک وہیکل پبلک چارجنگ انفراسٹرکچر کے قیام کے لیے 2,000 کروڑ روپے مختص کیے گئے ہیں۔‘‘
انہوں نے کہا کہ وزارت بجلی (ایم او پی) نے 17 ستمبر 2024 کو ’الیکٹرک وہیکل چارجنگ انفراسٹرکچر 2024 کی تنصیب اور آپریشن کے لیے رہنما خطوط‘ جاری کیے تھے جو ملک میں ای وی چارجنگ انفراسٹرکچر نیٹ ورک کے قیام کے لیے معیارات اور پروٹوکول کا خاکہ پیش کرتے ہیں۔
انہوں نے کہا 10 جنوری 2025 کو ’بیٹری کی تبدیلی اور چارجنگ اسٹیشنوں کی تنصیب اور آپریشن کے لیے رہنما خطوط’ بھی جاری کیے ہیں، جس کا مقصد ملک میں مضبوط ای وی چارجنگ انفراسٹرکچر کو سہولت فراہم کرنا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
