پولیس کا کھڑگ کے پور ہوٹل میں چھاپہ، بی جے پی لیڈر سے 35 لاکھ روپے کیش برآمد
مغربی بنگال کے مدنی پور ضلع میں پولیس نے ایک سیاستدان سے لاکھوں روپے کی نقدی برآمد کی ہے۔ دیر رات ضلع پولیس نے کھڑگ پور کے ایک ہوٹل میں چھاپہ مارا، جہاں اگنی مترا پال کے قریبی بی جے پی لیڈر سے 35 لاکھ روپے برآمد ہوئے۔
ذرائع کے مطابق مذکورہ بی جے پی لیڈر کا نام سمت منڈل ہے۔ ان کے پاس سے برآمد لاکھوں روپے کی نقدی کی تصاویر سامنے آئی ہیں۔ پولیس کے مطابق اس کارروائی کے دوران سمت منڈل کھڑگ پور میں تھے۔ کھڑگ پور ایک صنعتی شہر ہے ۔جو ہندوستان کی ریاست مغربی بنگال کے ضلع مغربی مدنی پور میں واقع ہے۔
بھارت ایکسپریس
