IND vs ENG: انگلینڈ کے خلاف پہلے دو ٹسٹ میچ سے باہر ہوئے وراٹ کوہلی،جانئے کیا ہے وجہ

وراٹ کوہلی نے ذاتی وجوہات کی بنا پر انگلینڈ کے خلاف پانچ میچوں کی ٹیسٹ سیریز کے پہلے دو میچوں سے اپنا نام واپس لے لیا ہے۔ بی سی سی آئی نے وراٹ کوہلی کا نام واپس لینے کی اطلاع دی۔ بی سی سی آئی نے وراٹ کوہلی کے حوالے سے پریس ریلیز جاری کی، جس میں انڈین کرکٹ ٹیم بلے باز کا نام واپس لینے کی وجوہات سامنے آئیں۔ یہ بھی بتایا گیا کہ ان کے متبادل کا اعلان جلد کیا جائے گا۔

پریس ریلیز میں لکھا گیا، “وراٹ کوہلی نے ذاتی وجوہات کا حوالہ دیتے ہوئے بی سی سی آئی سے انگلینڈ کے خلاف آئندہ ٹیسٹ سیریز کے پہلے دو میچوں سے دستبردار ہونے کی درخواست کی ہے۔”

اس میں مزید لکھا گیا، “وراٹ کوہلی نے کپتان روہت شرما، ٹیم مینجمنٹ اور سلیکٹرز سے بات کی اور اس بات پر زور دیا کہ ملک کی نمائندگی کرنا  ان کی اولین ترجیح ہے، تاہم کچھ ذاتی وجوہات کی بنا پر وہ پہلے دو ٹسٹ میچوں سے باہر رہنا چاہتے ہیں ۔”

ریلیز میں مزید لکھا گیا، “بی سی سی آئی ان کے فیصلے کا احترام کرتی ہے اور ٹیم انتظامیہ اسٹار بلے باز کی حمایت کرتی ہے اور سیریز میں اچھی کارکردگی دکھانے کے لیے باقی ممبران کی صلاحیت پراعتماد ہے۔”

اس میں مزید کہا گیا، “بی سی سی آئی میڈیا اور شائقین سے درخواست کرتا ہے کہ وہ اس وقت وراٹ کوہلی  کی رازداری کا احترام کریں اور ذاتی وجوہات پر قیاس آرائیوں سے گریز کریں۔ ہندوستانی ٹیم کو سپورٹ کرنے پر توجہ مرکوز رکھنی چاہیے۔”

تبدیلی کا اعلان جلد کیا جائے گا۔

ریلیز میں یہ بھی بتایا گیا کہ بی سی سی آئی جلد ہی کوہلی کے متبادل کا اعلان کرے گا۔ آپ کو بتاتے چلیں کہ انگلینڈ کے خلاف پانچ میچوں کی ٹیسٹ سیریز کے پہلے دو میچوں کے لیے ٹیم انڈیا کا اعلان کیا گیا تھا، جس میں وراٹ کوہلی کا نام بھی شامل تھا، لیکن اب اسٹار بلے باز نے اپنا نام واپس لے لیا ہے، جس کی وجہ سے ان کی جگہ جلد اعلان کیا جائے گا۔ .

بھارت ایکسپریس۔