Budget Session 2023: وزیر خزانہ نرملا سیتا رمن مڈل کلاس کو دے سکتی ہیں بڑا تحفہ

Budget Session 2023: وزیرخزانہ نرملا سیتا رمن مڈل کلاس کوبڑا تحفہ دے سکتی ہیں۔ ٹیکس چھوٹ کا دائرہ بڑھانے پر غور کرسکتی ہیں۔ بجٹ سیشن 2023  میں بیسک انکم ٹیکس کی چھوٹ کے دائرہ کو 2.5 لاکھ روپئے سے بڑھا کر 5 لاکھ روپئے کیا جاسکتا ہے۔ جانکاروں کا ماننا ہے کہ تنخواہ والے متوسط طبقے کے ٹیکس دہندگان کو وزیر خزانہ نرملا سیتا رمن بڑی راحت دے سکتی ہیں۔

موجودہ وقت میں بیسک انکم ٹیکس چھوٹ کا دائرہ انفرادی ٹیکس دہندگان کے لئے دونوں نئی اور پرانی انکم ٹیکس نظام کے تحت 2.5 لاکھ روپئے ہے۔ ایسوچیم کے سکریٹری جنرل دیپک سود نے کہا کہ نجی انکم ٹیکس کے لئے چھوٹ کے دائرہ کو بڑھانے کی ڈیمانڈ اس بات پر منحصر کرتی ہے کہ مڈل کلاس والے گراہکوں کے ہاتھوں میں زیادہ پیسہ بچے۔ انہوں نے بتایا کہ اس سے اقتصادی ریکوری میں ڈیمانڈ بڑھانے میں بھی مدد ملے گی۔