قومی

Nuh Violence: نوح ایس پی ورون سنگلا کا ٹرانسفر، 176 افراد کی گرفتاری، گئو رکشک بٹو بجرنگی کے خلاف فرید آباد میں ایف آئی آر درج

ہریانہ کے نوح میں 31 جولائی کو بجرنگ دل اوروشو ہندو پریشد (وی ایچ پی) کی شوبھا یاترا کے دوران ہوئے فرقہ وارانہ تشدد کے بعد اب ہریانہ پولیس نے کارروائی تیزکردی ہے۔ اب تک 5 اضلاع میں 93 ایف آئی آردرج کی گئی ہیں۔ 176 لوگوں کی گرفتاری ہوئی ہے۔ صرف نوح میں 46 ایف آئی آردرج ہیں۔ پیرکے روز نوح میں نکالی گئی شوبھا یاترا کے دوران سامنے آئے اشتعال انگیز ویڈیو اور اس پر ردعمل کے بعد فرقہ وارانہ ماحول خراب ہوگیا تھا، جس میں اب تک مسجد کے امام محمد سعد سمیت 6 افراد کی جان چلی گئی ہے۔

اس دوران ہریانہ انتظامیہ کی طرف سے کارروائی کی جارہی ہے۔ اسی ضمن میں نوح کے ایس پی ورون سنگلا کا بھی ٹرانسفرکردیا گیا ہے۔ ورون سنگلا شوبھا یاترا سے پہلے چھٹی پر چلے گئے تھے۔ ان کی جگہ نریندر بجارنیا نئے ایس پی ہوں گے۔ وہیں دوسری طرف اشتعال انگیزویڈیوجاری کرنے والے بٹو بجرنگی پربھی ایف آئی آردرج کرلی گئی ہے۔ پولیس نے سوشل میڈیا پر شیئر کئے گئے 2300 ویڈیو کی نشاندہی کی ہے۔ پولیس کا ماننا ہے کہ انہیں ویڈیونے فرقہ وارانہ ماحول کو خراب کرنے میں اہم کردار ادا کیا ہے۔

سوشل میڈیا پراشتعال انگیزی کرنے والوں پر بھی کارروائی

نوح پولیس نے کشیدگی پھیلانے والے سوشل میڈیا اکاؤنٹس پربھی کارروائی شروع کردی ہے۔ پولیس نے اس معاملے میں 7 ایف آئی آر درج کی ہیں۔ ان میں سے تین شاہد، عادل خان منّاکا اورشاعر گرو گھنٹال نام کے یوزرس پرکی گئی ہیں۔ سوشل میڈیا پرپوسٹ سے متعلق پولیس نے دفعہ 153، 153 اے، 298، 504، 109 اور 292 کے تحت ایف آئی آر کی ہے۔ ایف آئی آر کے مطابق، شحالانکہ پولیس نے ابھی یہ انکشاف نہیں کیا ہے کہ شاعرگرو گھنٹال نام کا اکاؤنٹ کون چلا رہا تھا۔ پولیس تقریباً 2300 ایسے ویڈیو کی جانچ کر رہی ہے، جنہیں تشدد پھیلانے کے لئے ذمہ دار مانا جا رہا ہے۔

یہ بھی پڑھیں:  Haryana Violence: نوح کی شوبھا یاترا میں کیا کر رہے تھے ہتھیار؟ بجرنگ دل کی یاترا میں شامل رہے گئورکشک بٹو بجرنگی نے دیا بڑا بیان

دو مسجدوں میں پھینکا گیا تھا پٹرول بم

اس سے قبل موٹرسائیکل سوارحملہ آوروں نے ہریانہ کے نوح ضلع کے تاؤڑو میں دو مسجدوں پر مولوٹوو کاکٹیل یعنی پٹرول بم پھینکا گیا تھا۔ پولیس نے بھی اس معاملے کی تصدیق کی تھی۔ پولیس نے بتایا کہ بدھ کی رات تقریباً ساڑھے 11 بجے ہوئے ان حادثات میں کوئی نقصان نہیں ہوا۔ نوح کی جن دومسجدوں پرحملے ہوئے، ان میں سے ایک وجے چوک کے قریب اوردوسری پولیس تھانے کے پاس واقع ہے۔ دونوں مسجدوں کو نقصان بہت زیادہ نہیں پہنچا تھا۔ پولیس نے بتایا کہ ان حادثات کی اطلاع ملتے ہی فائربریگیڈ کی دوگاڑیوں کو مسجدوں کی طرف بھیجا گیا تھا اورآگ پرقابو پالیا گیا تھا۔

Nisar Ahmad

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

6 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

7 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

7 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

7 hours ago