قومی

نوجوانوں کے زخموں پرنمک چھڑک رہی ہے حکومت… نوکری کی درخواست فارم پرجی ایس ٹی لگانے سے برہم ہوئیں پرینکا گاندھی

کانگریس پارٹی کی قومی جنرل سکریٹری اوررکن پارلیمنٹ پرینکا گاندھی نے امتحان فارم پر18 فیصدی جی ایس ٹی وصول کرنے سے متعلق بی جے پی اورمرکزی حکومت پرحملہ بولا۔ پرینکا گاندھی نے کہا کہ بی جے پی نوجوانوں کو نوکری تو دے نہیں سکتی ہے، لیکن امتحان فارم کے نام پر18 فیصد جی ایس ٹی وصول کرکے نوجوانوں کے زخموں پرنمک چھڑک رہی ہے۔ اس کے علاوہ انہوں نے پیپرلیک سے متعلق بھی نشانہ سادھا۔

وائناڈ سیٹ سے لوک سبھا رکن پارلیمنٹ پرینکا گاندھی نے مزید کہا کہ اگنی ویرسمیت ہرسرکاری نوکری کے فارم پرجی ایس ٹی وصول کی جا رہی ہے۔ فارم بھرنے کے بعد حکومت کی ناکامی سے پیپرلیک ہوا، بدعنوانی ہوئی تو نوجوانوں کے یہ پیسے کیسے ڈوب جاتے ہیں۔ والدین محنت کرکے ایک ایک پیسہ جوڑکر بچوں کو پڑھاتے ہیں، تیاری کراتے ہیں، لیکن بی جے پی حکومت نے ان کے خوابوں کو بھی کمائی ک ذریعہ بنا لیا ہے۔

پرینکا گاندھی نے درخواست فارم ایکس پرشیئرکیا 

پرینکا گاندھی نے اپنے سوشل میڈیا ہینڈل پریوپی کے کلیان سنگھ ہائی اسپیشلائزڈ کینسرانسٹی ٹیوٹ میں بھرتی کے لئے درخواست فارم اپنے سوشل میڈیا ہینڈل پرشیئرکیا ہے، جس میں بتایا گیا ہے کہ کس زمرے کے نوجوانوں کودرخواست کی کتنی رقم ادا کرنی ہوگی، جس میں جی ایس ٹی بھی شامل ہے۔ درخواست فارم میں تمام زمروں کے درخواست دہندگان پر18 فیصد جی ایس ٹی عائد کیا گیا ہے۔

یوپی میں پیپرلیک سے متعلق ریاست کی یوگی آدتیہ ناتھ حکومت پہلے سے ہی مخالفین کے نشانے پرہے۔ اپوزیشن پارٹیوں کا حکومت پرالزام ہے کہ وہ نوجوانوں کونوکری نہیں دینا چاہتی ہے، اس لئے پیپرلیک کرا رہی ہے۔ یوپی میں گزشتہ دو تین سال میں کئی اہم امتحانات کے پیپرلیک ہوچکے ہیں۔ اس میں آراو-اے آراو کے امتحان بھی شامل رہے ہیں۔

پریاگ راج میں طلبا نے کیا تھا بڑا احتجاج

حال فی الحال میں پریاگ راج میں طلبا کا بڑا احتجاج بھی دیکھنے کو ملا تھا۔ احتجاج کرنے والے طلباء پی سی ایس اور آراواے آراوکے ابتدائی امتحان ایک ہی دن منعقد کرنے کے مطالبے پرڈٹے رہے۔ طلباء نے کہا کہ اترپردیش پبلک سروس کمیشن (یوپی ایس سی) کویہ دونوں امتحانات ایک ہی دن منعقد کرنے چاہئیں۔ طلباء نے کہا کہ اگردونوں امتحانات کے مراکزکا مسئلہ ہے تویو پی پی ایس سی کو چاہئے کہ وہ سرکاری میڈیکل کالجوں، انجینئرنگ کالجوں اوریونیورسٹیوں کوبھی امتحانی مراکز بنائے۔

بھارت ایکسپریس۔

Nisar Ahmad

Recent Posts

Sheikh Hasina Extradition: کیا شیخ حسینہ کو بنگلہ دیش واپس بھیجے گا بھارت؟ جانئے اپیل پر کیا دیا جواب

شیخ حسینہ بنگلہ دیش میں تختہ پلٹ کے بعد ہندوستان میں جلاوطنی کی زندگی گزار…

4 minutes ago

Delhi-NCR Weather Update: دہلی-این سی آر میں بارش کے بعد ٹھنڈ نے بڑھائی پریشانی، ڈل جھیل برف میں ہوئی تبدیل

ہماچل پردیش کی راجدھانی شملہ پیر کو ایک بار پھر برف کی چادر سے ڈھک…

25 minutes ago

Shyam Benegal Passes Away: معروف ہدایت کار شیام بینیگل نے 90 سال کی عمر میں دنیا کو کہا الوداع

شیام بینیگل کا اس دنیا سے رخصت ہونا پوری انڈسٹری کے لیے بہت بڑا نقصان…

2 hours ago

Rajasthan Winter Vacation: راجستھان کے اسکولوں میں تعطیلات کا اعلان، جانئے کب اور کب تک رہے گی سردیوں کی چھٹی؟

محکمہ موسمیات کے مطابق آئندہ چند روز میں پارہ مزید گرے گا۔ اس کے پیش…

2 hours ago

شام میں تختہ پلٹ کے بعد بشارالاسد کا بیوی نے بھی چھوڑ دیا ساتھ، اہلیہ اسماء الاسد نے طلاق کے لئے روس میں داخل کی عرضی

شام کے معزول صدربشارالاسد کو ماسکو میں پناہ تومل گئی ہے، لیکن وہ سنگین پابندیوں…

3 hours ago