جانکاری کے مطابق، ایس ٹی ایف کی ٹیم نے اپنے سوالوں کی فہرست تیاری کرلی ہے۔ ریمانڈ کے دوران پولیس اس سے ان سبھی سوالوں کے جواب لینے کی کوشش کرے گی، جو امیش پال قتل سانحہ سے جڑے ہوئے ہیں۔
واضح رہے کہ 24 فروری کو امیش پال کا دن دہاڑے قتل کردیا گیا تھا۔ اس معاملے میں امیش پال کی بیوی نے سابرمتی جیل میں بند عتیق احمد پراہم سازش کرنے کا الزام لگاتے ہوئے عتیق احمد سمیت اس کی اہلیہ شائستہ پروین اور اس کے بیٹے اور بھائی کے ساتھ ہی کئی شوٹروں کے خلاف نامزد مقدمہ درج کرایا تھا۔ تبھی سے پریاگ راج پولیس سمیت ایس ٹی ایف، کرائم برانچ اور دیگر ریاستوں کی پولیس بھی فرار ملزمین کی گرفتاری کے لئے تمام مشتبہ ٹھکانوں پر دبش دے رہی تھی۔
-بھارت ایکسپریس