Pakistan Political Crisis: انوارالحق کو ملی پاکستان کے 8ویں نگراں وزیر اعظم کی ذمہ داری، شہباز شریف اور راجہ ریاض کے اتفاق کے بعد فیصلہ

ذرائع کا کہنا ہے کہ انوارالحق کاکڑنگراں وزیراعظم ہوں گے۔ وزیراعظم شہبازشریف اوراپوزیشن لیڈر نے دستخط کرکے اپنا مشورہ پاکستان کے صدرعارف علوی کوبھجوا دی ہے جبکہ شہباز شریف نے مشاورتی عمل میں تعاون اوران 16 ماہ میں بطوربہترین حزب اختلاف کی قیادت پرشکریہ اداکیا۔ اپوزیشن لیڈرنے میڈیا سے بات چیت کرتے ہوئے کہا کہ وزیراعظم کے ساتھ میٹنگ ہوئی۔ 3 نام انہوں نےاور3 نام میں نے دیئے، آج کی میٹنگ میں وزیراعظم اورمیں نے اپنے اپنےساتھیوں سےمشورہ کیا اوراتفاق ہوا کہ جوبھی وزیراعظم ہوچھوٹے صوبے سے ہو۔

واضح رہے کہ 9 اگست کو پارلیمنٹ تحلیل ہونے کے ساتھ ہی وزیراعظم شہبازشریف کی مدت کاربھی ختم ہوگئی تھی۔ ایسے میں آج کارگزاروزیراعظم منتخب کئے جانے کی آخری تاریخ تھی۔ اس سے پہلے پاکستان کے صدرعارف علوی نے شہبازشریف کوخط لکھ کرجلد ازجلد نیا کارگزاروزیراعظم مقررکرنے کوکہا تھا، جس پرشہبازشریف نے ناراضگی کا اظہارکیا تھا۔

یہ بھی پڑھیں:  Caretaker PM in Pakistan: پاکستان میں کارگزار وزیراعظم پر گھمسان، صدرعارف علوی کے الٹی میٹم پر شہباز شریف آگ بگولہ، کہہ دی یہ بڑی بات

واضح رہے گذشتہ روز وزیراعظم ہاؤس میں شہبازشریف نے اتحادی جماعتوں کے رہنماؤں سے مشورہ کیا تھا، اہم میٹنگ میں شامل لیڈران نے نگراں وزیراعظم کی تقرری چھوٹے صوبہ سے کرنے کی تجویزدی تھی۔ وہیں راجہ ریاض کا کہنا تھا کہ انوارالحق کاکڑکے نام پراتفاق ہوا ہے، میرے اپوزیشن لیڈرکا کردارختم ہوگیا ہے۔