اپنی بیٹی عالیہ کی شادی بیچ میں چھوڑ کر کیوں جانا چاہتے تھے انوراگ کشیپ؟ یہاں جانئے تفصیل

ہالی ووڈ رپورٹر کے ساتھ انٹرویو میں انوراگ کشیپ نے بتایا کہ وہ عالیہ کی وداعی پر انہیں اسی طرح کی خوشی ہو رہی تھی، جیسے ان کی پیدائش کے وقت ہوئی تھی۔ انوراگ کشیپ کی اکلوتی بیٹی عالیہ ہیں۔ عالیہ کی ماں انوراگ کی پہلی بیوی فلم ایڈیٹر آرتی بجاج ہیں۔ انوراگ نے مزید بتایا کہ انہیں سمجھ ہی نہیں آرہا تھا کہ وہ اتنا رو کیوں رہے ہیں؟ انہوں نے کہا کہ میں 10 دنوں تک روتا رہا۔ مجھے پتہ نہیں کیوں اور وہ بھی رینڈم لوگوں کے سامنے… جیسے ہی کوئی عالیہ کا ذکر کرتا تو بس میں رونے لگتا۔

انوراگ کشیپ ہوگئے تھے جذباتی

انوراگ کشیپ نے بتایا کہ 10 دنوں تک جذباتی رہنے کے بعد ایک دن سب کچھ رک گیا۔ انہوں نے انٹرویومیں بتایا میں 10 دنوں تک رویا اور پھر سب کچھ رک گیا۔ میں نے پینا بند کردیا۔ رونا بھی بند ہوگیا، شاید یہ ایک بہت ہی الگ سا مرحلہ تھا، جو میری زندگی میں آیا۔ شادی میں میں اتنا جذباتی ہوگیا تھا کہ شادی سے جانے کا ارادہ کرنے لگا تھا۔ جب پھیرے اورباقی رسوم ختم ہوئیں تو مجھ سے وہاں رہا نہیں جا رہا تھا۔ میں جانا چاہتا تھا، لیکن میرے دوست وکرما دتیہ موٹوانی نے مجھے روک لیا۔ وہ مجھے باہر لے گئے اور ہم ایک لمبی واک پرگئے۔ اس کے بعد مجھے کچھ بہترلگا۔

بھارت ایکسپریس اردو۔