Team India easily defeated Pakistan: کوہلی کی سنچری،شیرس ائیر کی نصف سنچری اور کلدیپ کی جاودئی گیندبازی کی بدولت ٹیم انڈیا نے پاکستان کو دی شکست

آئی سی سی چمپئنز ٹرافی کا سب سے سخت مقابلہ دوبئی میں ہندوستان اور پاکستان کے درمیان آج کھیلا گیا جس میں انڈیا بہ آسانی پاکستان کو شکست دے دی ۔ پاکستان کے کپتان محمد رضوان نے ٹاس جیت کر پہلے بلے بازی کرنے کا فیصلہ لیا جو کہ غلط فیصلہ ثابت ہوا چونکہ ہندوستانی گیندبازوں کے سامنے سوائے سعود شکیل کے دوسرا کوئی بلے باز اپنا جوہر نہیں دکھا سکا،نتیجے میں پاکستان کی پوری ٹیم پچاس اوور کے ختم ہونے سے دو گیند پہلے ہی پویلین لوٹ  گئی اور 242 کے اسکور پر آل آوٹ ہوگئی ۔

وہیں 242 رنوں کے ہدف کا پیچھا کرنے اتری ٹیم انڈیا کے سلامی بلے باز کپتان روہت شرما اور شبھمن گل نے جارحانہ آغاز کیا اور کافی تیزی سے رنز بنانا شروع کردیا،البتہ کپتان شرما کو بہت جلد پویلین لوٹنا پڑا۔ روہت شرما 15 گیند پر 20 رنز بنا کر شاہین شاہ آفریدی کے گیند پر کلین بولڈ ہوگئے ۔اس طرح ٹیم انڈیا کو پہلا جھٹکا لگ گیا ہے۔ روہت شرما کےآوٹ ہونے پر ویراٹ کوہلی میدان میں آئے اور شبھمن گل کے ساتھ کھیل کو آگے بڑھایا ،اور ٹیم کے اسکور کو 100 کے پار کردیا ،البتہ 100 کے اسکور  پر پہنچنے کے ساتھ ہی شبھمن گل کا وکٹ گرگیا۔

شبھمن گل کو ابرار احمد نے کلین بولڈ کیا۔ اس کے بعد کوہلی اور شیرس ائیر کے درمیان شاندار شراکت داری ہوئی ،بہت آسانی کے ساتھ دونوں نے اپنی اپنی نصف سنچریاں مکمل کی اور اس طرح جیت کے قریب پہنچ گئے البتہ 214 کے اسکور پر شیرس ائیر کا وکٹ گرگیا جس کے بعد ہاردک پانڈیا میدان پر آئے اور کوہلی کے ساتھ مل کر طوفانی بلے بازی کرنے کی کوشش کی لیکن وہ 8 رنز بناکر جلد آوٹ ہوگئے۔ ان کے بعد اکشر پٹیل میدان پر آئے اور کوہلی کے ساتھ مل کر ٹیم انڈیاکو پاکستان کے خلاف آسان جیت درج کرادی۔اس دوران ویراٹ کوہلی نےاپنی سنچری مکمل کی اور ناٹ آوٹ رہے۔مین آف دی میچ ویراٹ کوہلی نے پاکستان کے خلاف 111گیندوں میں 100 رنز بنائے جس دوران انہوں نے 7 چوکے بھی لگائے۔

واضح رہے کہ ہندوستان کی طرف بہترین گیندباوں نے پاکستان کے بلے بازوں کو قدم جمانے نہیں دیا۔کلدیپ یادو نے سب سے زیادہ تین وکٹ حاصل کئے جبکہ ہاردک پانڈیا دو وکٹ گرانے میں کامیاب رہے ۔البتہ محمد شامی ایک بھی وکٹ حاصل کرپائے۔البتہ مجموعی طور پر گیندبازی کافی کامیاب رہی جس کی وجہ سے پاکستان کے بلے بازوں کو بہت زیادہ ہاتھ کھولنے کا موقع نہیں ملا۔

بھارت ایکسپریس۔