SRH vs RR, IPL 2024 Qualifier 2: راجستھان کو شکست دے کر فائنل میں پہنچی حیدرآباد کی ٹیم، کولکاتہ سے ہوگا فائنل مقابلہ

سن رائزرس حیدرآباد نے انڈین پریمیئر لیگ (آئی پی ایل) 2024 کے فائنل میں جگہ بنالی ہے۔ حیدرآباد نے 24 مئی (جمعہ) کو ایم اے چدمبرم اسٹیڈیم، چنئی میں کھیلے گئے کوالیفائر-2 میچ میں راجستھان رائلز کو 36 رنز سے شکست دی۔ میچ میں راجستھان کو جیت کے لیے 176 رنز کا ہدف ملا تھا لیکن وہ سات وکٹ پر 139 رنز ہی بنا سکی۔ اب فائنل میچ میں حیدرآباد کا مقابلہ کولکتہ نائٹ رائیڈرس سے ہوگا۔ کولکتہ نے پہلے کوالیفائر میں حیدرآباد کو شکست دے کر ہی فائنل میں جگہ بنائی تھی۔

اس سے قبل ٹاس ہار کر پہلے بیٹنگ کرتے ہوئے سن رائزرز حیدرآباد نے 9 وکٹوں پر 175 رنز بنائے۔ حیدرآباد کے لیے وکٹ کیپر بلے باز ہینرک کلاسن نے 34 گیندوں میں سب سے زیادہ 50 رنز بنائے جس میں چار چھکے شامل تھے۔ اس کے علاوہ راہول ترپاٹھی نے 37 رنز کی اننگز کھیلی اور ٹریوس ہیڈ نے 34 رنز کی اننگز کھیلی۔ راجستھان رائلز کی جانب سے ٹرینٹ بولٹ اور سندیپ شرما نے تین تین وکٹیں حاصل کیں۔ اویش خان نے دو وکٹیں حاصل کیں۔

بھارت ایکسپریس۔