وزیر اعظم نریندر مودی نے ہندوستانی ہاکی ٹیم کے کھلاڑیوں سے فون پر بات کی اور کانسہ کا تمغہ جیتنے پر پوری ٹیم کو مبارکباد دی۔ آپ کو بتادیں کہ ہندوستان نے پیرس اولمپکس 2024 کے کانسہ کے تمغے کے مقابلے میں اسپین کو 2-1 سے شکست دے کر ایک تاریخی کارنامہ انجام دیا ہے۔ پی ایم مودی نے پی آر سریجیش سے بھی بات کی اور انہیں کامیاب کیریئر کے بعد ریٹائرمنٹ لینے پر مبارکباد دی۔ انہیں مبارکباد دیتے ہوئے کہا کہ پوری ٹیم کی محنت ایک بار پھر رنگ لائی ہے۔ وزیر اعظم مودی کو یقین تھا کہ یہ ٹیم یقینی طور پر ہندوستانی ہاکی میں سنہرا دور واپس لائے گی۔
پی آر سریجیش سے خصوصی بات چیت
ہندوستانی وزیر اعظم نریندر مودی نے ہندوستانی ٹیم کے گول کیپر پی آر سریجیش سے بھی خصوصی بات چیت کی۔ انہوں نے یہ بھی زور دیا کہ اگرچہ سریجیش نے ریٹائرمنٹ لے لی ہے، انہیں مستقبل کے لیے نئی ٹیم انڈیا تیار کرنی ہوگی۔ انہوں نے ٹیم انڈیا کو بھی مبارکباد دی کہ کس طرح یہ ٹیم 10 کھلاڑیوں کے ساتھ برطانیہ کے خلاف جیت درج کرنے میں کامیاب رہی۔ پی ایم مودی نے کہا کہ ہندوستان کا ہر بچہ اس تاریخی جیت کو یاد رکھے گا۔انہوں نے اعتراف کیا کہ سیمی فائنل میں جرمنی کے خلاف شکست کے بعد ہندوستانی ٹیم کے حوصلے شاید پست ہوگئے تھے۔ لیکن پی ایم مودی نے ٹیم انڈیا کی تعریف کرتے ہوئے کہا کہ سیمی فائنل میں شکست کو صرف 24 گھنٹے میں بھول جانا اور کانسے کا تمغہ جیتنا اپنے آپ میں ایک خاص کامیابی ہے۔ اس جیت پر پورے ملک کو فخر ہے اور نریندر مودی نے ہندوستانی ہاکی ٹیم کو تمغہ جیتنے پر مبارکباد دی۔انہوں نے تمام کھلاڑیوں کی صحت کے بارے میں بھی پوچھا ،کہا کہ کیا کوئی کھلاڑی زخمی ہوا ہے، لیکن پی آر سریجیش نے یقین دلایا کہ اس تاریخی جیت کے بعد پوری ٹیم خوش ہے۔ کال کے اختتام پر تمام کھلاڑیوں نے ’بھارت ماتا کی جئے‘ کے نعرے لگائے۔
بھارت ایکسپریس۔
آٹھویں پے کمیشن کے تحت یکم جنوری 2026 سے پہلے ریٹائر ہونے والے پنشنروں اور…
وزیر اعظم نریندر مودی کے وکست بھارت 2047 کے ہدف کے تحت آج پیدا ہونے…
گجرات کے ’اننت انادی وڈنگر آثارِ قدیمہ تجرباتی عجائب گھر‘ نے 2026 کا باوقار بین…
وزیر اعظم نریندر مودی نے نمو ایپ پر منعقدہ ’من کی بات کوئز‘ کی اکتوبر…
جوہر ٹرسٹ منی لانڈرنگ معاملے میں عدالتی تحویل میں بھیجے گئے سماج وادی پارٹی کے…
شری رام جنم بھومی تیرتھ شیتر ٹرسٹ کے صدر مہنت نرتیہ گوپال داس جی مہاراج…