IPL 2024: چنئی سپر کنگز کو لگابڑا جھٹکا، متھیشا پتھیرانا اس وجہ سے پورے سیزن سے ہوئےباہر

آئی پی ایل 2024 کے پلے آف میں جانے کی چنئی سپر کنگز کی امیدوں کو جھٹکا لگا ہے۔ پنجاب کنگز کے خلاف میچ میں جب سی ایس کے نے متھیشا پتھیرانا کو پلیئنگ الیون میں شامل نہیں کیا گیا تو بہت سے سوال اٹھنے لگے۔ اب چنئی سپر کنگز کی آفیشل ویب سائٹ پر ایک بیان جاری کیا گیا ہے، جس میں بتایا گیا ہے کہ متھیشا پتھیرانا پورے سیزن سے باہر ہیں۔ متھیشا پتھیرانا نے رواں سیزن میں صرف 6 میچوں میں 13 وکٹیں حاصل کی تھیں ۔لیکن اب وہ انجری کے باعث سری لنکا واپس لوٹ چکے ہیں۔ ان کا کانومی ریٹ صرف 7.68 تھا، اس لیے سی ایس کے کو  اپنےگیند باز کے کھونے سے بڑا دھچکا لگا ہے۔

سی ایس کے نے ایک بیان جاری کرتے ہوئے کہا کہ متھیشا پتھیرانا کو ہیمسٹرنگ انجری ہوئی ہے اور وہ مزید جانچ کے لیے سری لنکا واپس آگئے ہیں۔ چنئی کی مشکلات بڑھ گئی ہیں کیونکہ ان سے پہلے دیپک چاہر بھی ہیمسٹرنگ انجری کی وجہ سے پلیئنگ الیون سے باہر بیٹھے ہیں۔ ان کے علاوہ مستفیض الرحمان پہلے ہی بنگلہ دیش کی بین الاقوامی سیریز کی وجہ سے بنگلہ دیش ٹیم کو جوائن کر چکے ہیں۔ ایسی صورتحال میں چنئی سپر کنگز کے پاس تیز گیند بازی میں بہت کم آپشن بچا ہے۔

یہ بھی پڑھیں:بنگلور کی لگاتار تیسری جیت، گجرات کو 4 وکٹوں سے دی شکست، وراٹ-فاف نے کھیلی طوفانی اننگز

یہ بھی پڑھیں: کیا کووڈ ویکسین کی وجہ سے شریاس تلپڑے کو دل کا دورہ پڑا؟ اداکار نے کیا چونکا دینے والا دعویٰ

آئی پی ایل 2024 میں سی ایس کے کی کارکردگی

اتوار کو پنجاب کنگز کے خلاف میچ سے قبل چنئی سپر کنگز نے 10 میچ کھیلے ۔جن میں سے ٹیم نے 5 جیتے ہیں، لیکن 5 میں شکست کھانی پڑی ہے ۔ ٹیم اس وقت پوائنٹس ٹیبل میں 10 پوائنٹس کے ساتھ پانچویں نمبر پر ہے۔ چنئی کے پاس اب شاردول ٹھاکر، تشار دیشپانڈے اور رچرڈ گلیسن کی صورت میں 3 اہم آپشنز ہیں۔ ایسے میں CSK کے پلے آف میں جانے کے امکانات بہت کم نظر آ رہے ہیں۔ ایسے میں یہ بھی ممکن ہے کہ شیوم دوبے اننگز میں چار اوور کراتے نظر آسکتے ہیں۔

بھارت ایکسپریس