Rishabh Pant in IPL 2024: پھر سے کرکٹ کے میدان میں کھیلتے نظر آئیں رشبھ پنت، دہلی کیپٹلس کے مالک نے سونپی بڑی ذمہ داری

Rishabh Pant in IPL 2024: کچھ دن پہلے تک یہ واضح نہیں تھا کہ رشبھ پنت آئی پی ایل 2024 میں کھیلیں گے یا نہیں لیکن بی سی سی آئی نے تصدیق کی ہے کہ پنت مکمل طور پر فٹ ہیں۔ ہندوستان کے وکٹ کیپر بلے باز پنت اب واپسی کرنے اور ایک بار پھر میدان پر حاوی ہونے کے لیے تیار ہیں۔ رشبھ پنت دسمبر 2022 میں کار حادثے میں زخمی ہونے کے 14 ماہ بعد کرکٹ کے میدان میں واپسی کریں گے۔ ان کے لیے اچھی خبر یہ ہے کہ دہلی کیپٹلس نے انہیں دوبارہ کپتانی سونپنے کا فیصلہ کیا ہے۔

دہلی کیپٹلس جے ایس ڈبلیو گروپ کی ملکیت ہے، جس کے شریک مالک اور دہلی کیپٹلس کے چیئرمین پارتھ جندال نے رشبھ پنت کی واپسی اور انہیں دوبارہ کپتان بنائے جانے پر کہا، ” ہم رشبھ کو دوبارہ کپتان کے طور پر دیکھ کر خوش ہیں۔ ثابت قدمی اور بے خوفی ان کے کرکٹ کھیلنے کے انداز کی وضاحت کرتی ہے اور یہی استقامت ان کی انجری سے صحت یاب ہونے میں بھی دیکھی گئی ہے۔” میں یہ دیکھنے کے لئے بہت پرجوش ہوں کہ وہ کس طرح ہماری ٹیم کو دوبارہ متحرک کرتے ہیں اور ہمیں نئے سیزن کے لیے نئے جذبے اور جوش کے ساتھ آگے بڑھاتے ہیں۔”

ٹیم کے شریک مالک کرن کمار گاندھی نے کہا، “رشبھ نے اپنی زندگی کے مشکل ترین دور میں بہت محنت کی ہے۔ مجھے اس میں کوئی شک نہیں ہے کہ رشبھ کا مشکل سفر نئے سیزن میں اپنے ساتھیوں کو متاثر کرے گا۔ کپتان رشبھ اور پوری ٹیم کے لیے ہماری نیک تمنائیں۔ ”

یہ بھی پڑھیں- Sarfaraz Khan and Dhruv Jurel added in BCCI Contract: سرفراز خان اور دھرو جریل پر بی سی سی آئی نے کی کروڑوں کی بارش، آئی پی ایل سے پہلے ملا خاص تحفہ

آئی پی ایل 2024 میں دہلی کیپٹلس کا پہلا میچ 23 مارچ کو پنجاب کنگس کے خلاف ہوگا۔ دونوں ٹیموں کا یہ میچ چنڈی گڑھ میں کھیلا جائے گا۔ رشبھ پنت ایک کار حادثے میں لگنے والی چوٹ کی وجہ سے آئی پی ایل 2023 سے مکمل طور پر باہر ہو گئے تھے، لیکن بہت محنت سے وہ صرف 14 ماہ میں چوٹ سے مکمل طور پر ٹھیک ہو گئے ہیں۔ پنت ایک بار پھر اپنے جارحانہ بلے بازی کے انداز سے متاثر کرنے کے لیے تیار ہیں۔

-بھارت ایکسپریس