کولکتہ کے ایڈن گارڈنز میں کھیلے گئے میچ میں افریقی ٹیم کو جیت کے لیے 327 رنز کا ہدف ملا تھا۔ اس کے جواب میں پوری ٹیم صرف 27.1 اوورز میں 83 رنز پر ڈھیر ہوگئی۔ افریقی ٹیم کا کوئی بھی بلے باز 20 رنز کا ہندسہ نہ چھو سکا۔ بھارت کی جانب سے رویندرا جدیجا نے 5 وکٹیں حاصل کیں۔ جبکہ محمد شامی اور کلدیپ یادیو نے 2-2 وکٹیں حاصل کیں۔
میچ میں ٹاس جیت کر پہلے بیٹنگ کرتے ہوئے بھارتی ٹیم نے 5 وکٹوں پر 326 رنز بنائے۔ ویرات کوہلی نے اپنی 49ویں ون ڈے سنچری بنائی اور ناقابل شکست 101 رنز بنائے۔ جبکہ شریاس ایر نے 77 رنز کی اننگز کھیلی۔ جنوبی افریقہ کی جانب سے لونگی نگیڈی، مارکو جانسن، کاگیسو ربادا، کیشو مہاراج اور تبریز شمسی نے ایک ایک وکٹ حاصل کی۔
کرکٹ ورلڈ کپ میں بھارت اور جنوبی افریقہ کے درمیان اب تک 6 میچ کھیلے جا چکے ہیں۔ اس دوران جنوبی افریقہ اور بھارت نے 3-3 میچز جیتے ہیں۔ ون ڈے کرکٹ میں دونوں ٹیموں کے درمیان کھیلے گئے 91 میچوں میں سے بھارت نے 38 اور جنوبی افریقہ نے 50 میں کامیابی حاصل کی ہے جبکہ تین میچ بے نتیجہ رہے۔
یہ ون ڈے تاریخ میں جنوبی افریقہ کے خلاف رنز کے لحاظ سے ہندوستانی ٹیم کی سب سے بڑی جیت ہے۔ اس سے قبل بھارت نے جنوبی افریقہ کی ٹیم کو فروری 2010 میں گوالیار اور اپریل 2003 میں ڈھاکہ کے میچوں میں 153 رنز سے شکست دی تھی۔ اس بار ہندوستانی ٹیم نے یہ تمام ریکارڈ توڑتے ہوئے 243 رنز کے مارجن سے شکست کھائی۔
بھارت ایکسپریس۔
وزیر خارجہ ایس۔ جے شنکر کا بیان سامنے آیا ہے۔ انہوں نے اتوار (07 جولائی)…
بہار میں گزشتہ 24 گھنٹوں میں آسمانی بجلی نے تباہی مچا دی ہے۔ ریاست میں…
اس ملک میں مرنے کے خواہش مند شخص کے لیے یہ شرط بھی عائد کر…
پروفیسر انیس الرحمن نے کہا کہ جوش کئی معنوں میں اہم شاعر ہیں،زبان کی سطح…
بھارت نے ٹاس جیت کر پہلے بیٹنگ کرتے ہوئے اسکور بورڈ پر 234 رنز بنائے۔…
وزیر اعلی چندرا بابو نائیڈو نے متاثرین کو مناسب معاوضہ ملنے کو یقینی بنانے کی…