AFG vs AUS T20 World Cup: افغانستان نے ٹی ٹوئنٹی ورلڈ کپ میں 7 بار کی چمپئن آسٹریلیا کو 21 رنز سے  دی شکست

افغانستان نے ٹی ٹوئنٹی ورلڈ کپ 2024 میں بڑا اپ سیٹ کیا ہے۔ افغانستان نے 7 بار کی چمپئن آسٹریلیا کی ٹیم کو شکست دی ہے۔ سپر ایٹ میچ میں افغانستان نے 21 رنز سے کامیابی حاصل کی۔ افغانستان نے پہلے بیٹنگ کرتے ہوئے 149 رنز کا ہدف دیا۔ جواب میں آسٹریلیا  کی ٹیم 127 رنز پر آل آؤٹ ہوگئی۔ افغانستان کی جانب سے گلاب الدین نائب نے 4 وکٹیں حاصل کیں۔ جب کہ نوین الحق نے 3 وکٹیں حاصل کیں۔ آسٹریلوی ٹیم 6 بار ون ڈے ورلڈ کپ اور ایک بار ٹی ٹوئنٹی ورلڈ کپ جیت چکی ہے۔

ٹاس ہارنے کے بعد افغان ٹیم پہلے بیٹنگ کرنے آئی اور مقررہ 20 اوورز میں 6 وکٹوں کے نقصان پر 148 رنز بنائے۔ اس دوران اوپنر گرباز نے 49 گیندوں کا سامنا کرتے ہوئے 60 رنز بنائے۔ انہوں نے 4 چوکے اور 4 چھکے لگائے۔ ابراہیم زدران نے 51 رنز کی اننگز کھیلی۔ انہوں نے 48 گیندوں کا سامنا کیا اور 6 چوکے لگائے۔ اس دوران آسٹریلیا کی جانب سے پیٹ کمنز نے 3 وکٹیں حاصل کیں۔ ایڈم زمپا نے 2 وکٹیں حاصل کیں۔

آسٹریلیا نے افغانستان کے سامنے گھٹنے ٹیک دیئے

افغانستان کے  خلاف آسٹریلیا کی ٹیم پورے 20 اوورز بھی نہ کھیل سکی۔ وہ 19.2 اوورز میں 127 رنز بنا کر آل آؤٹ ہو گئیں۔ آسٹریلیا کی جانب سے گلین میکسویل نے 41 گیندوں کا سامنا کرتے ہوئے 59 رنز بنائے۔ انہوں نے 6 چوکے اور 3 چھکے لگائے۔ کپتان مچل مارش 12 رنز بنانے کے بعد آؤٹ ہوئے۔ مارکس اسٹونیس 11 رنز بنانے کے بعد آؤٹ ہوئے۔ اوپنر ٹریوس ہیڈ رن اسکور نہیں کرپائے ۔ مارکس اسٹونیں 11  رنز بنانے کے بعد پویلین لوٹ گئے۔ میتھیو ویڈ 5 رنز بنانے کے بعد آؤٹ ہوئے۔

افغانستان کے باؤلرز کی زبردست کارکردگی

افغانستان کے باؤلرز نے آسٹریلیا کو مشکلات سے دوچار کر دیا۔ گلاب الدین نائب نے 4 اوورز میں صرف 20 رنز دے کر 4 وکٹیں حاصل کیں۔ نوین الحق نے 4 اوورز میں 20 رنز دے کر 3 وکٹیں حاصل کیں۔ محمد نبی نے 1 اوور میں صرف 1 رن دیا اور 1 وکٹ حاصل کی۔ کپتان راشد خان اور عمرزئی نے بھی ایک ایک  وکٹ حاصل کی۔

آسٹریلیا کی ٹیم 7 بار کی عالمی چمپئن رہی ہے

آسٹریلوی ٹیم 7 مرتبہ عالمی چمپئن ہے۔ آسٹریلیا نے 2021 میں T20 ورلڈ کپ کا ٹائٹل جیتا تھا۔ وہ 6 بار ون ڈے ورلڈ کپ ٹائٹل جیت چکی ہیں۔ آسٹریلیا نے 1987، 1999، 2003، 2007، 2015 اور 2023 میں ون ڈے ورلڈ کپ کا ٹائٹل جیتا تھا۔