دہلی کی نریلا فیکٹری میں لگی آگ: 2 افراد ہلاک

نئی دہلی، 1 نومبر (بھارت ایکسپریس): منگل کو دہلی کے نریلا صنعتی علاقے میں جوتے کی فیکٹری میں آگ لگنے سے دو لوگوں کی موت ہو گئی ہے۔ وہیں تین افراد کو بچا لیا گیا۔  حکام کا کہنا ہے کہ پھنسے ہوئے افراد کی تلاش کے لیے امدادی کارروائیاں جاری ہیں۔

 پولیس نے بتایا کہ کچھ لوگ زخمی بھی ہوئے ہیں۔ زخمی لوگ ہسپتال میں زیر علاج  ہیں۔

 دہلی فائر سروس کے سربراہ اتل گرگ نے بتایا کہ صبح تقریباً 9.30 بجے آگ لگنے کی اطلاع ملی جس کے بعد علاقے کی ایک عمارت میں 10 فائر ٹینڈرز کو کام میں لگایا گیا۔

گرگ نے کہا، “اب تک تین لوگوں کو بچا لیا گیا ہے اور دو سے تین لوگوں کے پھنسے ہونے کا خدشہ ہے۔”