Senthilkumar S Remarks Row: گئومترا ریاستوں میں بی جے پی کی مضبوطی والے بیان پر ڈی ایم کے رہنما کے خلاف ہنگامہ جاری،حکمراں جماعت چراغ پا،اپوزیشن نے کیا کرلیا کنارہ

پانچ میں سے تین ریاستوں (مدھیہ پردیش، چھتیس گڑھ اور راجستھان) میں بی جے پی کی جیت پر اپوزیشن اتحاد انڈیا میں شامل ڈی ایم کے کے رکن پارلیمنٹ نے متنازعہ بیان دیتے ہوئے ہندی ریاستوں کا موازنہ گائے کے پیشاب  یعنی گئومتراسے کیا ہے، جس پر بی جے پی نے سخت تنقید کی ہے۔درحقیقت، پارلیمنٹ کے سرمائی اجلاس کے دوران، ڈی ایم کے کے رکن پارلیمنٹ سینتھیل کمار ایس نے کہا کہ ”اس ملک کے لوگوں کو یہ سوچنا چاہیے کہ اس بی جے پی کی طاقت صرف ہندی اکثریتی ریاستوں میں انتخابات جیتنا ہے، جسے ہم عام طور پر ‘گئو مترا’ریاست  کہتے ہیں۔ سینتھل کمار کے اس بیان پر مرکزی وزیر میناکشی لیکھی نے کہا کہ ڈی ایم کے جلد ہی ‘گئو متر’ کے فوائد کے بارے میں جان لے گی۔سینتھل کمار ایس کا یہ بیان ڈی ایم کے کے وزیر ادھیانیدھی اسٹالن کے حال ہی میں سناتم دھرم پر متنازعہ تبصرہ کرنے کے بعد آیا ہے۔ اسٹالن نے کہا تھا کہ سناتن دھرم کو مکمل طور پر ختم کر دینا چاہیے۔

وہیں کانگریس اور آر جے ڈی نے ڈی ایم کے رہنما کے بیان سے خود کو الگ کر لیا ہے جبکہ بی جے پی نے انہیں نشانہ بنایا ہے۔ ڈی ایم کے لیڈر کے بیان پر کانگریس کے رکن پارلیمنٹ ادھیر رنجن چودھری نے کہا، ’’ہمارا اس معاملے سے کوئی لینا دینا نہیں ہے۔آر جے ڈی نے کہا کہ صرف وہی جانتے ہیں کہ یہ بیان کس تناظر میں دیا گیا تھا ۔آر جے ڈی لیڈر مرتیونجے تیواری نے کہا، “صرف وہی جانتے ہیں جس تناظر میں انہوں نے یہ بیان دیا ہے۔ بی جے پی کے لیے، ایک جذباتی مسئلہ انتخابی مسئلہ بن جاتا ہے۔” بی جے پی کو دن میں خواب نہیں دیکھنا چاہئے۔ صرف وہی جانتے ہیں جس تناظر میں یہ کہا گیا تھا، ہم تمام مذاہب کا احترام کرتے ہیں۔ ہمارے لیے مذہب اور بھگوان  انتخابی موضوعات نہیں ہیں۔

بی جے پی ایم پی اناپورنا دیوی نے کہا، “یہ چھوٹی ذہنیت کی علامت ہے۔یہ ایک مینڈیٹ ہے۔ ریاست کے لوگوں نے یقین کیا ہے اور بی جے پی کو ووٹ دیا ہے۔مرکزی وزیر میناکشی لیکھی نے کہاکہ مجھے لگتا ہے کہ یہ ‘سناتنی’ روایت کی توہین ہے۔ ڈی ایم کے کو جلد ہی ‘گائے کے پیشاب’ کے فوائد سے آگاہ کیا جائے گا۔ اچھی طرح جان لیں گے کہ ملک کے عوام اسے برداشت نہیں کریں گے، جو بھی ملک کے جذبات سے کھیلنے کی کوشش کرے گا اسے عوام کی جانب سے منہ توڑ جواب دیا جائے گا۔بی جے پی کے رکن پارلیمنٹ اور مرکزی وزیر مملکت اشونی چوبے نے کہا کہ جو لوگ ایسی گندی اور سستی باتیں کہتے ہیں، جو لوگ سناتن کی توہین کرتے ہیں، وہ ابھی  آدھے صاف ہو گئے ہیں۔ چند دنوں میں مکمل طور پر صاف ہو جائیں گے۔ جو گائے، گنگا، گیتا، گایتری کا احترام نہیں کرے گا وہ تباہ ہو جائے گا۔

وہیں ڈی ایم کے ایم پی ڈی این وی سینتھل کمار ایس کے کے ہندی پٹی کی ریاستوں کوگئومتراریاستوں سے تعبیر کرنے کے بیان پر سیاسی ہنگامہ  کے بیچ انہوں نے لوک سبھا میں کئے گئے اپنے تبصروں کے حوالے سے ایک دوسرابیان جاری کیا ہے۔ سینتھیل کمار نے کہا، “میں نے ایوان کے اندر کچھ بیان دیا تھا۔ اس وقت وزیر داخلہ اور بی جے پی کے ممبران وہاں تھے۔ میں نے اسے پہلے بھی اپنی پارلیمانی تقریروں میں استعمال کیا ہے۔ یہ کوئی متنازعہ بیان نہیں تھا۔ اگر اس سے کسی کو تکلیف پہنچی ہو۔ لہذا، میں اگلی بار اس کے استعمال سے بچنے کی کوشش کروں گا۔ میں یہ بتانے کے لیے کچھ اور الفاظ استعمال کروں گا کہ بی جے پی ووٹ حاصل کرنے میں کہاں مضبوط ہے۔

بھارت ایکسپریس۔