قومی

Ram Mandir Donation Controversy: پارلیمنٹ میں چندے کے بوری لے کرپہنچی سماجوادی پارٹی، اب تک جمع ہوئے ایک لاکھ 57 ہزار، ہنومان مندر میں جمع کرانے کا منصوبہ

نئی دہلی: پارلیمنٹ کے مانسون اجلاس کے 18ویں دن آج ایک بارپھرسماجوادی پارٹی سمیت اپوزیشن پارٹیوں کے اراکین پارلیمنٹ نے رام مندرکے چندے میں مبینہ بے ضابطگی اورطلبا پر لاٹھی چارج کے خلاف انوکھے اندازمیں احتجاج کیا۔ سماجوادی پارٹی کے اراکین پارلیمنٹ آج چندے کی بوری لے کرپارلیمنٹ کے احاطے میں پہنچے اورحکومت کے خلاف نعرے بازی کی۔ اس موقع پرسماجوادی پارٹی کی رکن پارلیمنٹ ڈمپل یادو نے کہا کہ اس حکومت کی گزشتہ 10 برسوں میں ایک خاص بات رہی ہے کہ بدعنوانی ہرشعبے میں بری طرح داخل ہوگئی ہے۔ انہوں نے کہا کہ حکومت کے لوگ سناتن دھرم کی بات کرتے تھے، لیکن انہوں نے عقیدت اورآستھا کے معاملے میں بھی چوری کرنے کا کام کیا ہے۔

چندہ ہنومان مندرمیں جمع کرانے کا اعلان

سماجوادی پارٹی کے اراکین پارلیمنٹ نے بتایا کہ رام مندرکے معاملے پراب تک پارلیمنٹ میں ایک لاکھ 57 ہزارروپئے چندہ جمع کیا جا چکا ہے۔ اس رقم کومانسون اجلاس ختم ہونے کے بعد کل کناٹ پلیس واقع ہنومان مندرمیں جمع کرایا جائے گا۔ احتجاج کے دوران سماجوادی پارٹی کے لیڈراوراراکین پارلیمنٹ چندے کی بوری، بینراورپوسٹرلے کرحکومت کے خلاف نعرے لگاتے ہوئے نظرآئے۔ مظاہرین نے’چندہ چور‘ اور’دودھ کا دودھ، پانی کا پانی‘ جیسے نعرے بھی لگائے۔ اپوزیشن پارٹیاں اس معاملے پرپارلیمنٹ کے اندرتفصیلی بحث کرانے اوررام مندرکے چندے کے حساب کتاب میں مکمل شفافیت کا مطالبہ کررہی ہیں۔ اس سے ایک روزقبل منگل کوبھی سماجوادی پارٹی کے اراکین پارلیمنٹ دان پیٹی لے کرپارلیمنٹ پہنچے تھے اورچندہ جمع کیا تھا۔

سادھوکا بھیس اختیارکرکے پپویادونے جمع کیا تھا چندہ

اس سے قبل 31 جولائی کوپورنیہ کے رکن پارلیمنٹ پپویادونے بھی پارلیمنٹ کے باہرانوکھے اندازمیں احتجاج کیا تھا۔ وہ سادھوکا بھیس اختیارکرکے دان پیٹی لے کر پارلیمنٹ پہنچے تھے۔ انہوں نے علامتی طورپرسادھو سنتوں کا لباس پہن کررام مندر میں مبینہ گھوٹالے کے خلاف علامتی احتجاج کیا اور لوگوں سے چندہ جمع کیا۔ اس احتجاج میں اپوزیشن کے کئی دیگراراکین پارلیمنٹ بھی موجود تھے۔ پپویادوکی جانب سے کئے گئے اس مظاہرے کے دوران کانگریس لیڈرراہل گاندھی نے بھی دان پیٹی میں چندہ ڈال کراحتجاج میں حصہ لیا تھا، جبکہ اپوزیشن کے دیگرلیڈران پس منظرمیں حکومت کے خلاف نعرے لگاتے نظر آئے تھے۔ واضح رہے کہ اپوزیشن پارٹیاں رام مندرکے چندے اورمبینہ چڑھاوے کی چوری کے معاملے پرپارلیمنٹ میں بحث کا مطالبہ کررہی ہیں۔ اپوزیشن کا کہنا ہے کہ اس معاملے میں چندے کی رقم اوراس کے استعمال سے متعلق مکمل شفافیت ہونی چاہیے۔

بھارت ایکسپریس اردو-

Nisar Ahmad

Recent Posts

Prime Minister Narendra Modi: اے آئی ہو یا کوئی نئی ٹیکنالوجی، ہنرمند شخص کی روزی روٹی کوئی نہیں چھین سکتا: وزیر اعظم مودی

وزیر اعظم نے کہا کہ ہنرمندی کے ذریعے لوگوں کو بااختیار بنانا اور ان کے…

1 hour ago

Balendra Shah India Visit: نیپال کے وزیر اعظم بالیندر شاہ آج پہنچیں گے بھارت، پیر کو وزیر اعظم مودی کے ساتھ ہوگی اہم ملاقات

بھارتی وزارت خارجہ نے اپنے بیان میں کہا ہے کہ بھارت اور نیپال کے درمیان…

2 hours ago

Rajasthan Road Accident: راجستھان میں دو خوفناک سڑک حادثے، 12 افراد جاں بحق، ایک ہی خاندان کے 9 افراد کی موت

ابتدائی اطلاعات کے مطابق، حادثے کی ممکنہ وجہ ڈرائیور کو نیند کی جھپکی آنا بتائی…

3 hours ago