Rahul Gandhi Bail in Defamation Case: راہل گاندھی کوضمانت، امت شاہ پرتبصرہ کرنے سے متعلق چل رہا ہے ہتک عزت کا معاملہ

 کانگریس لیڈر راہل گاندھی کو ہتک عزت کے ایک معاملے میں بدھ کے روز(6 اگست، 2025) کوضمانت مل گئی۔ انہیں جھارکھنڈ کے چائی باسا ایم پی-ایم ایل اے کورٹ نے راحت دی۔ راہل گاندھی نے مرکزی وزیرداخلہ امت شاہ پرایک متنازعہ تبصرہ کیا تھا، جس کے بعد بی جے پی لیڈرپرتاپ کٹیہارنے ہتک عزت کا معاملہ درج کرا دیا تھا۔ یہ پورا تنازعہ سال 2018 کا ہے۔ راہل گاندھی نے کانگریس کنونشن کے دوران ایک بیان دیا تھا۔

راہل گاندھی نے بدھ کی صبح تقریباً 10:55 بجے عدالت میں پیش ہوئے۔ پی ٹی آئی کی رپورٹ کے مطابق، کانگریس رکن پارلیمنٹ راہل گاندھی کے وکیل نے کہا، ’’راہل گاندھی جھارکھنڈ ہائی کورٹ کے حکم کے مطابق، عدالت میں پیش ہوئے۔ انہوں نے ضمانت کی اپیل کی تھی، جومنظورکرلی گئی۔ اب ہم عمل کوآگے بڑھائیں گے۔‘‘

کیا ہے پورا معاملہ؟

دراصل، راہل گاندھی نے 28 مارچ 2018 کوکانگریس کنونشن کے دوران بی جے پی کے اس وقت کے قومی صدرامت شاہ پرمتنازعہ بیان دیا تھا۔ اس کے بعد 9 جولائی 2018 کوپرتاپ کٹیہارنے چائی باسا میں ہتک عزت کا مقدمہ درج کروا دیا۔ راہل گاندھی کواس معاملے سے متعلق کئی بارسمن بھیجا گیا، لیکن وہ حاضرنہیں ہوئے۔ حالانکہ وہ بدھ کے روزعدالت میں ضرورحاضرہوئے۔ اہم بات یہ بھی ہے کہ معاملہ پہلے چائی باسا سی جے ایم کورٹ سے رانچی ایم پی-ایم ایل اے اسپیشل کورٹ میں شفٹ کیا گیا، لیکن اس کے بعد چائی باسا ایم پی-ایم ایل اے کورٹ میں آگیا۔

راہل گاندھی کے خلاف جاری ہوا تھا غیرضمانتی وارنٹ