PM Modi in Constitution Day Program: ایمرجنسی کا حل بھی آئین نے ہی نکالا تھا… سپریم کورٹ کے پروگرام میں وزیراعظم مودی کا خطاب

نئی دہلی: 75ویں یوم آئین کے موقع پر وزیراعظم نریندر مودی منگل (26 نومبر) کو سپریم کورٹ کے ایک پروگرام میں پہنچے۔ اس دوران پروگرام کوخطاب کرتے ہوئے انہوں نے کہا کہ ہندوستانیوں کوفوری انصاف ملے، اس کے لئے انصاف کا نیا ضابطہ نافذ کیا گیا ہے۔ سزا پر مبنی نظام اب انصاف پرمبنی نظام میں بدل گیا ہے۔ اس کے ساتھ انہوں نے یہ بھی کہا کہ جموں و کشمیرمیں پہلی باریوم آئین منایا گیا۔

وزیراعظم نریندرمودی نے تقریب کوخطاب کرتے ہوئے کہا کہ ہمارا آئین ہمیں موجودہ اور مستقبل کا راستہ دکھاتا ہے۔ ہمارے آئین نے ہرایک چیلنج کا حل نکالنے کے لئے مناسب راستہ دکھایا ہے۔ اسی دوران ایمرجنسی کا وقت بھی آیا، لیکن آئین نے اس کا بھی حل تلاش کرلیا۔ آئین کی وجہ سے آج بابا صاحب کا آئین جموں وکشمیرمیں مکمل طورپرنافذ ہوچکا ہے۔ آج وہاں پہلی باریوم آئین منایا گیا ہے۔

ہمارا آئین ہمیں دکھاتا ہے راستہ: وزیراعظم

آج ہندوستان تبدیلی کے اتنے بڑے دور سے گزر رہا ہے، ایسے وقت میں ہمارا آئین ہمیں راستہ دکھا رہا ہے۔ ہندوستان کے مستقبل کا راستہ، اب خوابوں اور عزائم کی تکمیل کا وقت ہے۔ آج ہرملک کا مقصد ہندوستان کوترقی دینا ہے۔ گزشتہ برسوں میں ملک میں لوگوں کے درمیان معاشی اورسماجی مساوات لانے کے لئے بہت سے اقدامات کئے گئے۔ آج ہندوستان ایک ایسا ملک ہے، جو ہرغریب خاندان کو5 لاکھ روپئے تک مفت علاج کی سہولت فراہم کرتا ہے۔ یہ ملک کے ہزاروں جن اوشدھی سینٹروں پر80 فیصد رعایت (ڈسکاؤنٹ) پردستیاب ہے۔

26/11 حملے کو بھی کیا یاد

26 نومبرکوممبئی میں ہوئے دہشت گردانہ حملے کویادکرتے ہوئے وزیراعظم مودی نے کہا، “جمہوریت کے اس اہم تہوار کوجب ہم یاد کر رہے ہیں، تو ہم یہ نہیں بھول سکتے کہ آج ممبئی میں ہونے والے دہشت گردانہ حملے کی برسی ہے، میں ان لوگوں کوخراج عقیدت پیش کرتا ہوں، جواس میں مارے گئے تھے۔” یہ حملہ اورہندوستان کی سلامتی کوچیلنج کرنے والی کسی بھی دہشت گرد تنظیم کومنہ توڑجواب دینے کے ملک کے عزم کا اعادہ کرتا ہے۔”

ہردہشت گرد تنظیم کو منہ توڑ جواب دیا جائے گا: وزیراعظم مودی