Fire in Andheri: ممبئی کی عمارت میں لگی آگ پر 30 گھنٹے بعد قابو پالیا گیا، کوئی جانی نقصان نہیں ہوا

Fire in Andheri: بی ایم سی (Brihanmumbai Municipal Corporation)حکام نے بتایا کہ یکم جون کو اندھیری میں ایک عمارت کے تہہ خانے میں لگی بڑی آگ پر 30 گھنٹے کے بعد جمعہ کی صبح قابو پالیا گیا۔

ممبئی میں ایک پانچ منزلہ عمارت کے تہہ خانے میں بدھ کو لگی زبردست آگ پر 30 گھنٹے بعد جمعہ کی صبح قابو پالیا گیا۔ میونسپل حکام نے یہ اطلاع دی۔  میونسپل حکام نے بتایا کہ
مضافاتی اندھیری کے SEEPZ (خصوصی اقتصادی زون) میں واقع ایک صنعتی علاقے میں واقع عمارت میں آگ بدھ کی صبح تقریباً 12.15 بجے لگی، جس پر جمعہ کی صبح تقریباً 6.15 بجے قابو پالیا گیا۔

میونسپل حکام نے نے کہا کہ اس واقعے میں کوئی جانی نقصان نہیں ہوا لیکن دو فائر مین کو معمولی چوٹیں آئیں۔ موقع پر موجود ایمبولینس میں انہیں ابتدائی طبی امداد دی گئی۔

کم از کم 12 فائر انجنوں، آٹھ واٹر ٹینکروں اور دیگر آلات کی مدد سے آگ پر قابو پالیا گیا۔

اہلکار کے مطابق فائر بریگیڈ کے اہلکاروں نے بجلی کی سپلائی بند کر دی اور آگ پر قابو پانے کے لیے 185 وینٹی لیٹرز کا استعمال کیا۔

آگ لگنے کے باعث عمارت کی دوسری منزل پر دو سیکیورٹی اہلکار پھنس گئے۔ قابل ذکر بات یہ ہے کہ  فائر بریگیڈ کے اہلکاروں نے انہیں سیڑھی کا استعمال کرتے ہوئے باہر نکالا۔

اہلکار نے بتایا کہ آگ عمارت کے زیرزمین فلور میں لگی جس میں بجلی کے تار، لکڑی کی اشیاء، اسپلٹ اے سی، کمپیوٹر، پیکنگ میٹریل اور وہاں رکھا سامان شامل تھا۔