بلڈوزر ایکشن پر سپریم کورٹ کی پابندی کے بعد مایاوتی کا آیا ردعمل، مرکزی حکومت پر کی تنقید

اس سے پہلے مایاوتی نے اروند کیجریوال کے استعفیٰ سے متعلق تنقید کی تھی۔ بی ایس پی سربراہ مایاوتی نے اسے سیاسی پینترے بازی بتایا تھا۔ انہوں نے ایکس پر لکھا، اروند کیجریوال کے ذریعہ دہلی کے وزیراعلیٰ عہدے سے اب استعفیٰ دینا دراصل ان کا انتخابی اقدام اورعوامی مفاد/فلاح سے دورسیاسی چال ہے، لیکن طویل عرصے سے جیل میں رہنے کی وجہ سے دہلی کی عوام نے لاتعداد مشکلات کا سامنا کیا ہے، ان کا جواب کون دے گا؟ ان کا مزید کہنا تھا کہ ’’بہترہوگا کہ حکومت اوراپوزیشن کے درمیان سیاسی لڑائی دشمنی کی سطح پرنہ ہوتاکہ اس سے ملک اورعوامی مفادات پرکوئی اثرنہ پڑے۔ بی ایس پی یوپی حکومت کوبھی ایسے دن دیکھنے پڑے، جب مرکزکی کانگریس حکومت نے جیورہوائی اڈے اورگنگا ایکسپریس کوبھی بند کردیا اورعوامی مفاد اورترقی میں رکاوٹیں کھڑی کیں۔

آپ کوبتادیں کہ سپریم کورٹ نے یکم اکتوبرتک بلڈوزرکارروائی پرروک لگا دی ہے۔ جمعیۃ علماء ہند نے سپریم کورٹ میں اس معاملے سے متعلق عرضی داخل کی تھی۔ سپریم کورٹ کے ذریعہ روک لگائے جانے کے فیصلے کا مولانا ارشد مدنی، مولانا محمود مدنی نے خیر مقدم کیا ہے۔ اس کے علاوہ کانگریس لیڈر پرینکا گاندھی، سماجوادی پارٹی کے سربراہ اکھلیش یادو، آل انڈیا مجلس اتحاد المسلمین (اے آئی ایم آی ایم) کے سربراہ اسدالدین اویسی وغیرہ نے بھی استقبال کیا ہے۔

بھارت ایکسپریس–