جمعیۃ علماء ہند کا دہلی میں دوروزہ اجلاس، وقف قانون، پہلگام دہشت گردانہ اور فرقہ واریت پر بڑا پلان تیار

نئی دہلی: جمعیۃ علماء ہند کا دو روزہ مندوبین کانفرنس 4-3 مئی کونئی دہلی میں منعقد ہونے جا رہا ہے۔ دودنوں تک چلنے والے اس کانفرنس میں کئی موضوعات کو شامل کیا گیا ہے۔ کمیٹی کے ممبران جو پورے ملک سے شامل ہوں گے، وہ ان موضوعات پرتبادلہ خیال کریں گے۔ یہ اجلاس جمعیۃ علماء ہند کے صدر مولانا سید ارشد مدنی کی صدارت میں منعقد ہوگا۔ نمائندہ اجلاس میں وقف قانون، پہلگام دہشت گردانہ حملہ، ملک میں بڑھتی نفرت، فرقہ وارانہ ماحول اورآئین کے تحفظ سمیت دیگراہم موضوعات ایجنڈے میں شامل ہیں۔

آپ کو بتا دیں کہ نئی دہلی میں 3 مئی سے جمعیۃ علماء ہند کی ورکنگ کمیٹی کے اجلاس کے ساتھ دوروزہ اہم نمائندہ کانفرنس شروع ہورہی ہے۔ اس میٹنگ میں ملک بھرکی تمام ریاستوں کے صدور، جنرل سکریٹری، ذمہ دارافراد اوردیگر نمائندے حصہ لے رہے ہیں۔ اس کانفرنس کے ایجنڈے میں وقف قانون سے متعلق قانونی جدوجہد، پہلگام میں ہوئے دہشت گردانہ حملہ، ملک میں بڑھتی ہوئی نفرت اورکشیدگی وغیرہ سپریم کورٹ کی گائیڈ لائن کے باوجود مذہب کی بنیاد پرمسجد مدارس کوبلڈوزرکے ذریعہ منہدم کردینا جیسے موجودہ اہم موضوعات شامل ہیں۔

وقف قانون کانفرنس کا سب سے اہم موضوع

کانفرنس میں پہلگام دہشت گردانہ حملہ اوراس کے بعد پیدا ہوئی صورتحال پرغوروخوض کیا جائے گا۔ نئے قوانین سے متعلق جمعیۃ علماء ہند جوعوامی اورقانونی جدوجہد کررہی ہے، اس کی جانکاری مسلسل میڈیا میں آتی رہتی ہے۔ جمعیۃ علماء ہند اس قانون کوغیرآئینی اورمذہبی معاملوں میں راست مداخلت مانتی ہے۔ اس کا ماننا ہے کہ اس قانون سے وقف کا تحفظ نہیں ہوسکتا بلکہ اگرقانون نافذ ہورہا ہے تو پورے ملک میں مسلمانوں کی اوقاف کی جائیدادیں تباہ ہوجائیں گی۔

سپریم کورٹ میں ہونی ہے وقف پرسماعت