Heatwave in India: یوپی-بہار میں آسمان سے برس رہی موت، تین ریاستوں میں اموات کی تعداد 200 تک پہنچ گئی

یوپی میں گرمی سے لوگ اس قدر پریشان ہیں کہ لوگ اسپتالوں میں داخل ہو رہے ہیں۔ اکیلے بلیا میں 69 افراد کی موت ہوگئی ہے۔ حالات کا جائزہ لینے پہنچے یوپی کے وزیر ٹرانسپورٹ دیا شنکر سنگھ نے غیرذمہ دارانہ بیان دیا ہے کہ گرمیوں میں اموات کا اعدادوشمار ہر سال بڑھتا ہے۔ وہیں یوپی کے وارانسی میں 7 اور دیوریا میں 53 افراد کی موت  گرمی کی وجہ سے ہوگئی ہے۔ ان اموات کی سرکاری طور پر تصدیق نہیں کی جا رہی ہے کہ گرمی کی وجہ سے اموات ہو رہی ہیں۔ یہ اسپتال میں جو اموات ہوئی ہیں اس کا اعدادوشمار ہے۔

بی ایس پی لیڈرمایاوتی نے ٹوئٹ کر کے کہا، “یوپی میں گزشتہ کئی دنوں سے جاری شدید گرمی کی آفت میں راجدھانی لکھنؤ سمیت پوری ریاست میں بجلی کی زبردست کمی نے لوگوں کی زندگی تباہ کر رکھی ہے، جس سے بلیا اور دیگراضلاع سے اموات کی خبریں کافی مایوس کن ہیں۔ حکومت بجلی نظام فوری بہترکرنے اوراسپتالوں وغیرہ میں بجلی کٹوتی نہ کرے۔”

بہارمیں شدید گرمی پڑ رہی ہے۔ یہاں چلچلاتی گرمی سے اب تک تقریباً 50 سے زیادہ افراد کی موت کی خبر ہے۔ تاہم اضلاع کے ڈی ایم، سول سرجن، محکمہ صحت کی طرف سے تصدیق نہیں کی جا رہی ہے۔ نہ رسمی طور پر اعدادوشمار جاری کیا جا رہا ہے۔

موت کی وجہ گرمی بتائی جا رہی ہے۔ گرمی کی وجہ سے ہارٹ اور بی پی، استھما، پانی کی کمی، الٹی، پیٹ خراب ہونا جیسی بیماریوں کا سامنا کرنا پڑ رہا ہے۔ بہار کے نوادا میں ہی ٹیویو کی چپیٹ میں آنے سے ایس آئی کی موت ہوگئی۔ صرف پولیس اہلکار ہی نہیں بلکہ لو کی چپیٹ میں آکر چار افراد کی موت ہوگئی ہے۔

یہ بھی پڑھیں:  Muslim Youth was Tied to Tree and Beaten Badly: موبائل چوری کے شک میں مسلم نوجوان کو گنجا کرکے پیڑ سے باندھ کر پیٹا گیا، ’’جے شری رام‘‘ کے نعرے بھی لگوائے

 دوسری جانب، اوڈیشہ میں شدید گرمی اوراُمس بھرے موسم کے درمیان ریاستی حکومت نے لوسے پہلی موت کی تصدیق کی ہے۔ مہلوک کی فیملی کے لئے 50,000  روپئے کے معاوضہ کے رقم کو منظوری دی گئی ہے۔ پی ٹی آئی کے مطابق، اوڈیشہ میں خصوصی ریلیف کمشنر (ایس آرسی) دفتر کے ایک سینئرافسرنے بتایا کہ مہلوک بالا سورضلع کا عمردرازشخص تھا۔ اب تک لوکی وجہ سے مبینہ طور پر20 افراد کی موت ہوجانے کی اطلاع ملی ہے۔