Gulam Nabi Azad on India Muslims: بہت بعد میں آیا اسلام، سب ہندو سے ہی تبدیل ہوئے- غلام نبی آزاد نے مسلمانوں سے متعلق دیا بڑا بیان

Jammu and Kashmir: جموں وکشمیرکے سابق وزیراعلیٰ اورڈیموکریٹک آزاد پارٹی کے سربراہ غلام نبی آزاد نے ریاست کی ڈیموگرافی سے متعلق بڑا بیان دیا ہے۔ انہوں نے کہا کہ ہندومذہب بہت قدیم ہے اوراسلام صرف 1500 سال پہلے آیا ہے، سبھی ہندوسے تبدیل ہوئے ہیں۔

ایک جلسے میں خطاب کرتے ہوئے غلام نبی آزاد نے کہا کہ اسلام آیا ہی ہے 1500 سال پہلے اور ہمارے ہندوستان میں ہندو مذہب بہت پرانا ہے۔ باہرسے آئے ہوں گے، 20-10 جوانوں کی فوج کے ساتھ تھے۔ باقی تو سبھی مسلمان ہندو مذہب سے ہی تبدیل ہوئے ہیں۔

غلام نبی آزاد نے دی کشمیر کی مثال

غلام نبی آزاد نے کہا، اس کی سب سے اہم مثال ہمارے کشمیر میں ہے۔ کشمیر میں 600 سال پہلے کون مسلمان تھا؟ سارے کشمیری پنڈت تھے۔ سب تبدیل ہو کر مسلمان بن گئے۔ ہمارے ہندو بھائی لاش کو جلاتے ہیں، راکھ کو ندی میں بہا دیتے ہیں۔ ہمارے یہاں مسلمان مرنے کے بعد زمین کے اندر دفن ہوتا ہے۔ ہم سبھی کا جسم تو اسی بھارت ماتا کی مٹی میں مل جاتا ہے، تو کہاں ہندو کہاں مسلمان۔ سب یہیں مٹی میں مل جاتے ہیں۔