Ghulam Nabi Azad : ڈوڈہ میں دی گئی تقریر میں آزاد نے کہا مذہب کو سیاست سے نہیں جوڑنا چاہیے

Ghulam Nabi Azad said that Hinduism is older than Islam: جموں و کشمیر کے سابق وزیر اعلیٰ غلام نبی آزاد، جنہوں نے کانگریس سے الگ ہو کر ڈیموکریٹک پروگریسو آزاد پارٹی (ڈی پی اے پی) بنائی۔ان کا ایک ویڈیو سوشل میڈیا پر تیزی سے وائرل ہو رہا ہے۔ اس ویڈیو میں آزاد جموں و کشمیر کے لوگوں کو بتا رہے ہیں کہ ہندو مذہب اسلام سے پرانا ہے اور تمام مسلمان پہلے ہندو تھے۔
سوشل میڈیا پر وائرل  تیزی سے  وائرل ہورہا ہے غلام نبی آزاد کا ویڈیو

سوشل میڈیا پر وائرل ہونے والا غلام نبی آزاد کا ویڈیو جموں و کشمیر کے ڈوڈہ ضلع کا ہے۔ غلام نبی  آزاد 9 اگست کو یہاں تقریر کرنے پہنچے تھے۔ ویڈیو میں آزاد کہتے ہیں، ‘اسلام 1500 سال پہلے پیدا ہوا تھا۔ ہندوستان میں کوئی بھی باہر کا نہیں ہے۔ ہم سب اس ملک سے تعلق رکھتے ہیں۔ ہندوستان کے مسلمان اصل میں ہندو تھے، جنہوں نے بعد میں مذہب تبدیل کیا۔
ڈوڈہ میں دی گئی تقریر میں آزاد نے یہ بات کہی

ڈوڈہ میں  میں اپنی تقریر میں آزاد کہتے ہیں کہ 600 سال پہلے کشمیر میں صرف کشمیری پنڈت تھے۔ پھر بہت سے لوگ مذہب تبدیل کر کے مسلمان ہو گئے۔ اس دوران آزاد نے لوگوں سے بھائی چارہ، امن اور اتحاد برقرار رکھنے کی اپیل کی اور کہا، ‘مذہب کو سیاست کے ساتھ نہیں جوڑنا چاہیے۔ لوگ مذہب کے نام پر ووٹ نہ دیں۔

آزاد نے مزید کہا باہر سے نہیں آیا، یہاں پیدا ہوا

آزاد نے مزید کہا، ‘ہم باہر سے نہیں آئے ہیں۔ اسی مٹی کی پیداوار ہیں۔ اس مٹی میں ہی خاک ہونا ہے ۔ بی جے پی کے کسی   لیڈر نے کہا کہ کوئی باہر سے آیا  ہے ، کوئی  اندر سے آیا  ہے ۔ میں نے ان سے کہا کہ کوئی اندر یا باہر سے نہیں آیا۔ ہندوؤں میں جلایا جاتا ہے۔ اس کے بعد باقیات کو ندی میں ڈال دیا جاتا ہے۔وہ پانی مختلف جگہوں پر جاتا ہے۔ یہ کھیتوں میں بھی جاتا ہے یعنی ہمارے پیٹ میں جاتا ہے۔

ہندو مسلم کیوں کرنا؟

ہندوستانی مسلمانوں کی بات بات کرتے ہوئے ڈیموکریٹک پروگریسو آزاد پارٹی کے سربراہ غلام نبی آزاد نے کہا کہ مسلمان بھی اس سرزمین کے اندر جاتے  (دفن ہوتے ہیں)ہیں۔ ان  کا جسم  اور ان کی ہڈیاں بھی اسی  بھارت ماتا  کاحصہ بن جاتی ہیں۔  تو پھر ہندو مسلم کیوں؟ دونوں اس مٹی میں مل جاتے ہیں۔ کہنے کا مطلب ہے کہ یہ سب سیاسی جنگ ہے۔

بھارت ایکسپریس