Ruckus after Quran recitation: غازی آباد کے ہائی رائز سوسائٹی فلیٹ میں تلاوت قرآن کے بعد ہنگامہ، مدرسہ کے بچوں کے خلاف شکایت درج، بیٹی کی صحتیابی کیلئے خاتون نے کروائی تھی قرآن خوانی

غازی آباد: غازی آباد کے تھانہ کراسنگ ریپبلک کی ایک ہائی رائز سوسائٹی میں اتوار کے روز زبردست ہنگامہ ہوا۔ بتایا جا رہا ہے کہ وہاں ایک فلیٹ میں مدرسے کے کئی بچے قرآن پاک کی تلاوت کر رہے تھے۔ جس کے بعد سوسائٹی کے لوگوں نے اس کی ویڈیو بنا کر سوشل میڈیا پر وائرل کر دی۔ سوسائٹی کے لوگوں نے بھی قرآن پڑھنے کی مخالفت کی۔ بتایا جا رہا ہے کہ جاتے وقت مدرسہ کے بچوں کی گیٹ پر موجود گارڈ سے جھگڑا بھی ہوا۔ گارڈ نے ان کے خلاف پولیس میں مارپیٹ کی شکایت درج کرائی ہے۔

جانکاری کے مطابق تھانہ کراسنگ ریپبلک علاقہ کے چتروان سوسائٹی کے گارڈ نے تحریری شکایت دی تھی کہ کچھ لوگوں نے ان کے ساتھ مارپیٹ کی ہے۔ اس حوالے سے سوشل میڈیا پلیٹ فارم پر ایک پوسٹ بھی وائرل ہو رہی ہے۔ اس سلسلے میں تھانہ صدر نے موقع پر جا کر تفتیش کی۔

اے سی پی پونم نے کہا ہے کہ پولیس کو سی سی ٹی وی فوٹیج اور لوگوں کے بیانات سے پتہ چلا ہے کہ سوسائٹی میں رہنے والی ایک خاتون نے کچھ لوگوں کو قرآن کی تلاوت کے لیے اپنے گھر بلایا تھا۔ یہ تلاوت خاتون اپنی بیمار بیٹی کی صحت یابی کے لیے کروا رہی تھی۔ اس دوران سوسائٹی کے کچھ لوگ ان کے گھر آئے اور اعتراض اٹھایا کہ بغیر اجازت گھر میں ایسا کچھ کرنا مناسب نہیں ہے۔ بتایا جا رہا ہے کہ جب یہ لوگ قرآن پاک کی تلاوت کر کے جانے لگے تو گیٹ پر موجود کچھ لوگوں نے انہیں روک کر پوچھ گچھ کی۔ اس دوران لڑائی جھگڑے کی باتیں ہو رہی ہیں۔ اس سلسلے میں پولیس اسٹیشن میں شکایت موصول ہوئی ہے۔ متعلقہ دفعات کے تحت مقدمہ درج کرکے کارروائی کی جارہی ہے۔

ساتھ ہی وہ خاتون جس کے گھر میں یہ تلاوت قرآن ہو رہی تھی، اس کا کہنا ہے کہ وہ اپنی بیمار بیٹی کی پوجا کروانے مندر بھی جاتی ہیں۔ کسی نے اسے کہا تھا کہ قرآن پڑھواؤ بیٹی ٹھیک ہو جائے گی۔ اس کے بعد اس نے ایک مدرسے سے رابطہ کیا اور 10-11 بچوں کو تلاوت قرآن کے لیے بلایا لیکن 17 لوگ ان کے گھر پہنچ گئے۔ اسی دوران سوسائٹی کے لوگ آئے اور جھگڑنے لگے۔

بھارت ایکسپریس۔