اڈانی ٹوٹل گیس لمیٹڈ (ATGL)نے، جو بھارت میں توانائی کی منتقلی کی قیادت کر رہا ہے، مالی سال 2025 اور چوتھی سہ ماہی کے نتائج جاری کرتے ہوئے شاندار کارکردگی کا مظاہرہ کیا ہے۔ کمپنی نے اپنی سی این جی اور پی این جی کی مجموعی فروخت میں بالترتیب 13 فیصد اور 15 فیصد کا سال بہ سال اضافہ ریکارڈ کیا ہے۔
کمپنی نے چوتھی سہ ماہی میں 42 نئے سی این جی اسٹیشنز کا اضافہ کرتے ہوئے مجموعی تعداد 647 تک پہنچا دی، جبکہ گھریلو پی این جی کنکشنز میں 40,991 نئے صارفین کے اضافے کے ساتھ تعداد 9.63 لاکھ گھروں تک جا پہنچی۔ اڈانی ٹوٹل گیس نے صنعتی اور کمرشل صارفین کی تعداد میں بھی اضافہ کرتے ہوئے انہیں 9,299 تک پہنچا دیا ہے۔
ای وی (الیکٹرک وہیکل) شعبے میں، اڈانی ٹوٹل انرجیز ای-موبلٹی لمیٹڈ (ATEL) نے 3,401 چارجنگ پوائنٹس نصب کیے ہیں، جن میں سے 2,338 فعال ہو چکے ہیں۔ ATEL اس وقت بھارت کے ایئرپورٹس پر سب سے بڑا چارجنگ پوائنٹس آپریٹر بن چکا ہے، جہاں 21 ہوائی اڈوں پر اس کی موجودگی ہے۔
نے برسانہ پلانٹ میں بایوگیس کی پیداوار میں اضافہ
حیاتیاتی توانائی کے شعبے میں، اڈانی ٹوٹل انرجیز بایوماس لمیٹڈ (ATBL) نے برسانہ پلانٹ میں بایوگیس کی پیداوار میں اضافہ کرتے ہوئے اسے روزانہ 6.9 ٹن تک پہنچا دیا ہے، جو مالی سال میں 9-10 ٹن تک بڑھنے کی توقع ہے۔ مزید برآں، ATBL نے “حریت امرت” کے نام سے نامیاتی کھاد کی فروخت کا آغاز بھی کر دیا ہے۔
چوتھی سہ ماہی میں 1,448 کروڑ روپے کی آمدنی
مالی کارکردگی کے لحاظ سے، کمپنی نے چوتھی سہ ماہی میں 1,448 کروڑ روپے کی آمدنی حاصل کی، جو پچھلے سال کی اسی مدت کے مقابلے میں 15 فیصد زیادہ ہے۔ چوتھی سہ ماہی میں کمپنی کا ایبیٹڈا (EBITDA) 274 کروڑ روپے رہا، جبکہ پورے سال کا EBITDA 1,167 کروڑ روپے تک پہنچ گیا۔ تاہم، سالانہ منافع (PAT) میں معمولی کمی دیکھنے میں آئی، جو 648 کروڑ روپے رہا۔
صارفین کے لیے توانائی کی آسان رسائی کی فراہمی
اڈانی ٹوٹل گیس کے ایگزیکٹو ڈائریکٹر اور سی ای او، مسٹر سریش پی منگلانی نے کہا، “ہم نے انفراسٹرکچر کی توسیع، ڈیجیٹلائزیشن اور آپریشنل ایکسیلنس کے ذریعے اپنی ترقی کی رفتار برقرار رکھی ہے۔ ہماری کوشش ہے کہ ہم صارفین کے لیے توانائی کی آسان رسائی فراہم کریں اور بھارت کی توانائی منتقلی میں قائدانہ کردار ادا کریں۔”
کمپنی نے اپنی ESG (ماحولیاتی، سماجی اور گورننس) کارکردگی میں بھی بہتری لاتے ہوئے DJSI نیٹ اسکور میں نمایاں اضافہ کیا ہے، اور کئی CSR اور ماحولیاتی ایوارڈز اپنے نام کیے ہیں۔
اہم پیش رفت پر ایک نظر
* سی این جی نیٹ ورک میں 647 اسٹیشنوں تک کی وسعت
* پی این جی گھروں کی تعداد بڑھ کر 9.63 لاکھ ہو ئی
* 26 ریاستوں/ مرکز کے زیر انتظام علاقوں میں نئے 3,401 ای-وی چارجنگ پوائنٹس
* نامیاتی کھاد کی فروخت کے لیے ‘ہرت امرت برانڈ’ کا آغاز
کمپنی کے Q4 کے نتائج
* 154 کروڑ کا منافع کمایا، پچھلے سال یہ 142 کروڑ روپے تھا
* کمپنی کی آمدنی میں بھی 3.6 فیصد اضافہ ہوا
* کمپنی کے EBITDA میں ایک فیصد اضافہ
* مارجن 19.9فیصد رہا، جو پچھلے سال کے مقابلے میں معمولی کمی ہے
اڈانی ٹوٹل گیس 34 جغرافیائی علاقوں میں گیس ڈسٹریبیوشن کے حقوق رکھتا ہے، اور اس نے ای-موبلٹی، بایوماس اور اسمارٹ میٹر مینوفیکچرنگ جیسے نئے شعبوں میں بھی قدم رکھ کر اپنی خدمات کا دائرہ وسیع کیا ہے۔ کمپنی بھارت میں قدرتی گیس کے استعمال کے فروغ میں ایک اہم کردار ادا کر رہی ہے۔
بھارت ایکسپریس اردو۔
سیمینار کی خاص کشش ’اٹھنی‘ نکڑ ناٹک کی پیش کش رہی، جسے پرتدھونی تھیٹر سوسائٹی…
کانگریس صدر ملیکارجن کھڑگے نے کہا کہ یہ صرف ووٹ بچانے کی لڑائی نہیں، بلکہ…
خبر رساں ایجنسی پی ٹی آئی کے مطابق، کیرالا ہائی کورٹ نے ایڈیشنل ڈسٹرکٹ اینڈ…
راہل گاندھی نے انتخابی بے ضابطگیوں کے الزامات اور الیکشن کمیشن کے خلاف جاری احتجاج…
آن لائن کلاسوں سے متعلق جاری ہدایت میں یونیورسٹی انتظامیہ نے طلبا سے کیمپس نہ…
راجیو گوبا نے کہا کہ پہلے بنیادی ڈھانچے کی ترقی مختلف محکموں اور وزارتوں کی…