-بھارت ایکسپریس
اے آئی ایم آئی ایم سربراہ اسدالدین اویسی۔ (تصویر: اے این آئی)
Bhiwani Double Murder: راجستھان کے دو نوجوانوں کا اغوا کرکے ہریانہ کے بھوانی میں کار سمیت جلانے کا معاملہ طول پکڑتا جا رہا ہے۔ آل انڈیا مجلس اتحادالمسلمین (اے آئی ایم آئی ایم) کے سربراہ اور حیدرآباد سے رکن پارلیمنٹ اسدالدین اویسی نے ہریانہ کی حکومت پرالزام لگاتے ہوئے ملزمین میں سے ایک کا کنکشن وزیر داخلہ امت شاہ سے ہونے کا دعویٰ کیا ہے۔ اویسی نے کہا کہ جن پانچ لوگوں کا نام ایف آئی آرمیں آیا ہے، اس میں ایک شخص تصویرمیں امت شاہ کے ساتھ کھڑا ہے۔
اسدالدین اویسی نے ہریانہ حکومت پرملزمین کو پناہ دینے کا الزام لگایا۔ اے آئی ایم آئی ایم لیڈر نے کہا کہ ایک پورا گروپ ہے، جو گئورکشا (گایوں کی حفاظت) کے نام پر لوگوں کو ڈراتا ہے۔ انہوں نے ان دونوں (جنید اور ناصر) کو اتنا مارا کہ مرگئے۔ اویسی نے کہا کہ یہ بہت ضروری ہے کہ ہریانہ اور مرکزی حکومت ان سے ناطہ توڑے۔
بی جے پی دے رہی ہے پناہ
حیدرآباد کے ایم پی اسدالدین اویسی نے کہا کہ ملزمین میں ایک مونو نام کا ہے۔ یہ ہریانہ کی بی جے پی کی حکومت کا چہیتا ہے۔ اس کو ہریانہ کی بی جے پی کی حکومت اپنا پورا پروٹیکشن دیتی ہے۔ وہ جہاں بھی جاتا ہے، پولیس اس کے پیچھے آجاتی ہے۔ اس کے پہلے اس نے وارث نام کے ایک آدمی کو پکڑا اوراس کو مارا پیٹا۔ فیس بک پراس کا لائیو چلایا اورجب اس کی موت ہوگئی تو فیس بک سے ویڈیو ہٹا دیا۔
راجستھان حکومت پر بھی تنقید کی
اے آئی ایم آئی ایم سربراہ نے راجستھان کی گہلوت حکومت کی بھی تنقید کی۔ انہوں نے کہا کہ راجستھان حکومت نے بہت سستی سے کام لیا۔ راجستھان میں صحیح وقت پرکام کیا گیا ہوتا تو ان کی جان بچ جاتی۔ انہوں نے کہا کہ ایسے لوگوں کو روکنا بہت ضروری ہے جو گئورکشا کے نام پران لوگوں کو ٹارگیٹ کر رہے ہیں۔ یہ ملک بندوق-گولی سے نہیں چلے گا۔ ان لوگوں کا ویڈیو بھی ہے۔
کیا ہے پورا معاملہ
مبینہ طور پرراجستھان کے گھاٹ میکا گاؤں کے رہنے والے دو نوجوانوں، 25 سالہ ناصراور 35 سال کے جنید عرف جونا، کا بدھ (15 فروری) کواغوا کرلیا گیا تھا۔ جمعرات (16 فروری) کی صبح ہریانہ کے بھیوانی ضلع کے لوہارو قصبہ کے گاؤں بارواس کے پاس ایک جلی ہوئی کار میں دو باقیات ملے۔ ان باقیات کوناصراورجنید کا بتایا جا رہا ہے۔ پولیس نے دونوں باقیات کو قبضے میں لے کر ڈی این اے سیمپل کے لئے بھیجا ہے۔ الزام ہے کہ گئورکشکوں کی ٹیم نے ان دونوں کا قتل کیا تھا۔ الزام ہے کہ ان دونوں کو مارپیٹ کے بعد زندہ جلا دیا گیا تھا۔
-بھارت ایکسپریس
بہار کے پورنیہ سے آزاد امیدوار کے طور پرجیت حاصل کرنے والے راجیش رنجن عرف…
ممبئی ایئرپورٹ پہنچنے پرہندوستانی ٹیم کا استقبال کیا گیا۔ جہاز پر واٹر کینن سے پانی…
نئی دہلی: جمعیۃ علماء ہند کی مرکزی مجلس منتظمہ کا اہم اجلاس اس کے صدردفتر…
اکتوبر 2022 میں، چینگ اور چائنا پروجیکٹ اس وقت شدید مشکلات میں پڑ گئے جب…
چیف جسٹس آف انڈیا ڈی وائی چندر چوڑ کو 157 وکلاء نے خط لکھا ہے۔…
پروفیسر سلیمان نے حکومت سے مطالبہ کیا کہ زخمیوں کا جلد از جلد مناسب علاج…