Azerbaijan Plane Crash : اللہ اکبر-اللہ اکبر  کی صدا گونج رہی تھی… قازقستان میں آذربائیجان طیارہ حادثے کا ویڈیو سوشل میڈیا پر وائرل

قازقستان میں گر کر تباہ ہونے والے آذربائیجان ایئر لائنز  کےطیارے کے کیبن کے اندر کی ویڈیو منظر عام پر آگئی ہے۔ جو اب سوشل میڈیا پر وائرل ہو رہا ہے۔ وائرل ویڈیو طیارے میں بیٹھے مسافر نے بنائی تھی۔ مسافر نے دردناک ویڈیو سوشل میڈیا پر شیئر کی تھی۔ جس میں طیارے کے آخری لمحات دکھائے گئے ہیں۔

یہ وہی طیارہ ہے جو بحیرہ کیسپین کے مشرقی ساحل پر تیل اور گیس کے مرکز اکتاؤ کے قریب گر کر تباہ ہوگیا تھا ۔اس حادثہ  میں 38 افراد جاں بحق ہو گئےتھے۔ طیارے میں 67 مسافر سوار تھے، جن میں عملے کے 5 ارکان بھی شامل تھے۔ ان میں 25 افراد زندہ بچ گئے، جن میں سے 22 کو اسپتال لے جایا گیا ہے”۔

آذربائیجان میں قومی سوگ

آذربائیجان نے دارالحکومت باکو سے چیچن جمہوریہ کے دارالحکومت گروزنی جاتے ہوئے مسافر طیارے کے حادثے میں ہلاک ہونے والوں کے اعزاز میں جمعرات کو قومی سوگ کا اعلان کیا ہے۔ آذربائیجان کے صدر الہام علییف نے بدھ کے روز اس سانحے کے بعد یوم سوگ منانے کے سرکاری حکم نامے پر دستخط کیے ہیں۔ علیوف کو حادثے کی خبر اس وقت ملی جب وہ سینٹ پیٹرزبرگ جاتے ہوئے روسی فضائی حدود میں تھے۔ وہ وہاں ایک سمٹ کے لیے جا ررہے تھے۔ حادثے کی اطلاع ملتے ہی انہوں نے اپنے طیارے کو ملک واپس جانے کا حکم دیا۔

بھارت ایکسپریس